Setti nokkrar myndir inn í blómaalbúmið mitt sem er undir náttúrumöppunni.  Tók þessar myndir í morgun.  Vona að ykkur líki við þetta.  Er að vinna í að búa til myndamöppuna um mannlífið í Stykkishólmi.  Það er slatti kominn af myndum þar og því verður fljótlega sett inn ný myndamappa.

Maður er alltaf að læra.  Nú er ég að breyta aðeins síðunni.  Aðallega með því að setja inn eina og eina valda mynd svona til að auka áhuga fólks á þessu.  Þá er ég búinn að flokka öll albúmin þannig að það fer ekki eins mikið fyrir þeim, en undir hverjum flokki eru myndaalbúmin.  Vonandi leggst þetta vel í ykkur.  Sá reyndar að ég á að hafa nýjustualbúmin óflokkuð í einhvern tíma og síðan að flokka þau.  Þegar nýtt albúm kemur inn á flokka ég það ekki strax heldur mun láta það standa óflokkað, held að það verði þá sýnilegt fyrir ykkur ofan við alla flokkana.  Vona það alla vegna.

Þessar myndir skýra kanski út hvað ég á við.  Fyrir og eftir.  Sem sagt átt við mig sjálfan en ekki dóttur mína sem er með mér á myndinni hægra megin.

Safnaði nokkrum myndum saman sem ég hef tekið þegar ég hef átt leið um Mývatnssveit.  Þetta eru ekki margar myndir en þær eru allar teknar eftir að ég uppfærði mig í digital myndavél.  Gömlu myndirnar eru ekki komnar inn enda gengur skönnun á þeim hægt, réttara sagt ekki neitt. 

Hef verið að safna saman myndum sem ég hef tekið í Stykkishólmi.  Setti inn albúm með þeim myndum.  Það er mikið meira til en við sjáum til hvað fer þarna inn.  Nú setti ég inn myndir af húsum, bátunum við höfnina en svo á eftir að setja inn allt fólkið sem fest hefur verið á filmu.  Hvort það verður þá ekki bara nýtt albúm sem mun heita "Mannlíf í Stykkishómi".  En þetta kemur allt í ljós.

                       

Við skruppum á danska daga í Stykkishólmi 17.-19. ágúst s.l.  Mikið af fólki var og óhætt að segja að bærinn hafi verið troðinn af fólki.  Danskir dagar fóru vel fram að mínu mati og umgengni var þokkaleg, en það hafði verið gert ráð fyrir því að hreynsa bæinn áður en fólk færi á stjá.  Þar sem ég var frakar árisull þessa morgna þá fór ég á stjá með vélina og sá þann hóp sem var við hreynsunarstörfin.  Þarna var skilað góðu starfi og var til sóma hvernig að var staðið.  Auðvitað eru alltaf einhverjar skemmdir unnar en það var mjög lítið sem ég varð var við, trjágreinar og ein veggflís eru það sem ég varð var við, fyrir utan að sumir gátu ekki látið skreytingar í friði og mátti sjá að sumsstaðar hafði verið slitið niður eingöngu til að henda því svo í næstu ruslafötu.  Sá sem sleit skrautið niður má þó eiga að hann henti því í ruslafötuna en ekki á víðavangi, ekki nema hreynsunardeildin hafi verið búin að hirða það upp.
Ekki fleira að sinni.  Myndir komnar inn og vel sést að ég var snemma á fótum þegar ég tek myndir m.a. af húsunum í bænum því ekkert er af fólki.

                                                        

Við skruppum í Stykkishólm um verslunarmannahelgina.  Það var gott að slaka þar á og skoða sig um á Snæfellsnesinu.  Við fórum og hittum ættingja og vini í Skarðsvík, þaðan fórum við og litum á Öndverðarnes og brunninn Fálka, því næst skoðuðum við Svörtuloft.  Elín Hanna lék sér við frændur sína í Skarðsvíkinni og reyndar léku sér þar börn á öllum aldri.  Þá fór Elín Hanna og veiddi með afa sínum í höfninni í Stykkishólmi og síðan var okkur boðið í bátsferð um Breiðafjörð.  Veitt var við Þórishólma en þar sem fiskarnir voru smáir þá var þeim gefið líf.  Björg Ólöf og synir hennar voru fest á mynd.  En þessi ferð var skemmtileg og nóg að skoða.  Þeir sem vilja geta litið á albúm með myndum úr þessari ferð.

                                                                                                                          

Kæru vinir og ættingjar.  Ég henti út albúminu af Elínu Hönnu dóttur minni.  Hafði ætlað að fjölga myndum af henni oft en hætti við það og henti albúminu út.  Setti svo inn nýtt albúm með talsvert fleiri myndum.  Þetta var fljótlegri aðgerð, að henda fyrst og setja svo inn nýtt.  Umtalsvert fleiri myndir eru nú í þessari möppu, þeim fjölgaði úr 56 í 300+.

Skruppum í Hólaskjól og hittum þar á "Klíkuna".  Fórum þaðan að Langasjó og hluti Klíkunnar gekk á Sveinstind.  Frá  Hólaskjóli var farið að Botnu, sumarbústað í Eldhrauni.  Þaðan haldið í Þakgil, Reynisfjöru, Dyrhólaey og Seljalandsfoss.  Ljósmyndir má sjá í albúmi merktu Hólaskjóli.

Er að setja inn myndaalbúm, Elín Hanna, vinir og ættingjar.  Þetta skýrir sig sjálft, þetta eru myndir af Elínu Hönnu dóttur minni og einhverjir eru með henni á myndunum.  Það er fólk, dýr og jafnvel hlutir sem hægt er að tala um sem nokkurs konar vini.
Ein af myndunum sem er þarna er tekina af Hrafni Svavarssyni, en það er mynd af Elínu Hönnu með selkóp.

Setti inn nýtt myndaalbúm, blómamyndir.  Það segir sig sjálft að þetta eru myndir af blómum og gróðri sem ég hef tekið frá því 2003.  Gömlum yndirnar eru ekki komnar inn ennþá.  Ég hef í gegnum tíðina myndað allt sem ég sé og blómin eru engin undantekning frá því.

Í gær setti ég inn fimm myndir í fuglaalbúmið.  Þetta eru myndir sem ég tók fyrir þremur dögum síðan, svona tilraun hvort skjálftinn í höndunum á mér hefði eitthvað að segja.  Þá eru myndir í Stór- Hafnarfjarðarsvæðinu af hestum teknar á sama tíma.  Þetta  gengur sem sagt hjá mér, þ.e. að taka myndir.  Ég er því byrjaður að taka myndir aftur og þið fáið að njóta afrakstursins ef vel gengur.

Enn set ég inn myndir í albúmið Stór- Hafnarfjarðarsvæðið.  Þetta eru flestar myndir sem teknar voru að vetrarlagi og eru frekar kaldar en alveg þokkalegar held ég.  Ég set inn myndir núna nokkuð ört til að hafa síðuna nokkuð virka.

Setti inn nýtt myndaalbúm sem ég kalla Stór- Hafnarfjarðarsvæðið.  Þetta eru myndir sem ég hef tekið hér í Hafnarfirði og nágrenni, Álftenesinu, Garðabæ og víðar.  Eitthvað af þessum myndum eru í öðrum myndaalbúmum en þó eru þarna  einhverjar sem ekki hafa sést áður.

Þá er ég búinn að fjarlægja skoðunarkönnunina.  Fimm svöruðu henni, þar af fjórir sem sögðust stundum skrifa í gestabækur á heimasíðum, einn sagðist aldrei skrifa í gestabækur.   
Ég hef aðeins verið að prófa að taka myndin núna síðustu daga og það hefur gengið svona og svona.  Þökk sé IS linsunni minni, þá gengur þetta þokkalega.  Einhverjar þessara mynda rata inn, þá aðallega í fuglamöppuna og verður þess getið síðar.

22. maí 2005 voru haldnir tónleikar í Stykkishólmskirkju.  Kirkjukór Stykkishólmskirkju hélt þessa tónleika sem voru kallaðir "Vorið með Einari Stein".  Á efnisskránni voru einungis sungnir textar eftir Einar Steinþórsson tengdaföður minn.  Þó ég sé ekki mikill kóramaður þá voru þessir tónleikar mjög skemmtilegir.  Þá má  geta þess að karl tengdafaðir minn er skratti góður að semja texta, sem sagt góður hagyrðingur.  Ég var með myndavélina á lofti þarna og nú langar mig að bjóða ykkur að sjá hvernig þetta fór allt fram.  Þarna söng kirkjukórinn allur, kvennakór, karlakór, einsöngvarar og undirleikarar og stór hluti þeirra sem fram komu eru frændfólk tengdafjölskyldu minnar.
Eftir tónleikana fór stórfjölskyldan á Narfeyrarstofu og borðuðu saman.  Í þessari myndamöppu eru nokkra myndir sem dóttir mín, Elín Hanna, tók þá 7 ára gömul.  Þá eru tvær myndir eftir mág minn, Steinþór Einarsson.