Hafnarfjarðarhöfn að kvöldi 25. janúar 2012. 

2099 Íslandsbersi HF 13, 1850 Hafsteinn SK 3 og 1890 Una SU 3


Bátar á kafi í snjó.  Held að bátur nr. 2 sé 6256 Bára HF 78.  Hafnarfjörður 25. janúar 2012


Þekki þennan ekki heldur.  Hafnarfjörður 25. janúar 2012

Ég flutti í Hafnarfjörðinn 1996 og verð að viðurkenna að núna er líklega sá mesti vetur sem ég hef fengið síðan ég kom.  Það hefur komið snjór áður en hann stoppaði stutt við.  Nú hins vegar er búinn að vera vetur nokkuð lengi.  Það er líka talsverður snjór og er það bara gaman.  Konan segir að ég verði ungur aftur þegar ég keyri í snjónum, ekki slæmt að það þurfi ekki meira en snjó til þess.  Ég skrapp út með myndavélina í kvöld í logni.  Tók nokkrar myndir og setti í albúm.  Hér er smá sýnishorn.

Mikill snjór situr í grenitrjánum.  25. janúar 2012


Trjágöng, 25. janúar 2012


Við Hafnarfjarðarhöfn, 25. janúar 2012

Ég tek oft myndir sem ég hugsa sem mynd sem ég get sett sem tölvuskjámynd.  Hér er ein svoleiðis mynd.  Setti hana upp hjá mér og fannst mér hún koma þokkalega út.  Ég skipti nokkuð reglulega um skjámynd svona vegna tilbreytingarinnar.

Frost á glugga.  19. janúar 2012

Sunnudagur og sólin skein.  Ég og Elín Hanna fórum í smá leiðangur með myndavélar á lofti og vorum í stuði til að finna myndefni.  Ég ákvað að taka strauið að Hólmsá til að sjá hvort þar gæti verið fallegt í þessu flotta veðri.  En þegar þangað kom var sólin farin á bak við ský og komin smá snjókoma.  Við snérum við og stefndum í átt að Reykjanesinu.  Þegar við komum að álverinu sáum við að birtan var mjög flott við straum og fórum við þangað.  Tókum myndir við Straum og á því svæði.  Eins og ég sagði þá skein sólin en um einni klst. eftir að við komum þarna þá hvarf sólin og snjókorn féllu.  Birtan var farin og það vorum við líka.
Hér má sjá smá sýnishorn af þeim myndum sem ég tók á svæðinu.  Fleiri myndir í albúmi.   Smellið á mynd ef þið hafið áhuga að skoða meira.

Straumur, 22. janúar 2012


Gamalt hús rétt við Straum, 22. janúar 2012


Lítill kofi, 22. janúar 2012

Nú hef ég sett inn albúm fyrir bátamyndir fyrir 2012.  Nokkrar myndir þar inni sem ég tók í Stykkishólmi 01. janúar 2012.  Á myndinni hér að neðan datt mér í hug að þessir bátar horfi til hafs með hrím í augum og geta varla beðið til vors til að komast aftur á sjóinn þar sem þeim líður best.

Horft til hafs.  Stykkishólmur 01. janúar 2012


..........og að framan. Stykkishólmur 01. janúar 2012

5943 Úndína HF 55
Smíðaður í Hafnarfirði 1978 af Guðna Björnssyni.  Eik og fura.  2,19 brl. 23 ha. Volvo Penta 17 KW vél.  Báturinn var smíðaður fyrir bræðurna frá Lambavatni á Rauðasandi, þá Valtý og Gunnar Eyjólfssyni, en þeir áttu bátinn frá 02. október 1978.  (Þriðji bróðirinn, Tryggvi býr enn á Lambavatni ásamt konu og syni.)  Valtýr og Gunnar gerðu bátinn út á grásleppu frá Hafnarfirði árum saman og áttu m.a. aðstöðu í verbúðinni Fornubúðum. 
Þegar bræðurnir hættu útgerð fór Úndína upp á Akranes. Þráinn Þórarinsson...................?? 
Þaðan kom hún til Reykjavíkur fyrir um tveimur árum síðan................??
Núverandi eigandi er Þorsteinn Stefánsson.


Meira síðar....................................


Heimildir:
Íslensk skip-bátar 2bnd. bls. 60.
Gunnar Th. skrifle

Úndína HF 55.  Reykjavíkurhöfn 08. janúar 2012

Hér gefur að líta Stykkishólmskirkju.  Margir segja þetta eina af fegurstu kirkjum landsin.  Tók eina mynd af kirkjunni á nýársdag 2012 og set svo eina eldri til að sjá kirkjuna á hlið líka.

Stykkishólmskirkja, 01. janúar 2012


Stykkishólmskirkja, 03. júní 2004

Ég nefndi í síðustu færslu að Eyjólfur Einarsson skipasmiður hafi smíðað níu báta sem ég hef sett hér á síðuna mína.  Ég ætla að setja hér inn myndir af þeim öllum, en að mínu mati eru þetta afar fallegir bátar.

Hafrún KE 80 - Verið að gera upp


Bjargfýlingur


Helgi Nikk, - Hafnarfjörður.  Síðasti bátur sem Eyjólfur Einarsson smíðaði og er í hans eigu.


Óskar HF 9 - Álftanes


Leifur - Álftanes


Freydís SH 18 - Stykkishólmur


Frosti HF 320 - Hafnarfjörður


Már ÍS - Endaði á brennu áramótin 2010-2011


Rannsý RE 18 - Reykjavík

5208 Hafrún KE 80 var smíður í Hafnarfirði 1959.  Eik og Fura.  4.81 brl.  22 ha. Bukh vél. 

Hafrún þegar verið var að smíða hana 1959.  Ljósmynd af ljósmynd sem Auðunn Jörgenson á og hann hafði fengið hjá Eyjólfi Einarssyni.

Smiðurinn var Eyjólfur Einarsson en hér á síðunni minni eru frásafnir af 9 bátum eftir hann.

Eyjólfur Einarsson við Hafrúnu KE 80.  Reykjavík 08. janúar 2012

Eigandur í upphafi voru Herbert Eyjólfsson og Ari Arason, Keflavík, frá 16. september 1959.  Ari seldi sinn hluta í bátnum 20. desember 1973 Herberti Eyjólfssyni, Keflavík.  Seldur 15. maí 1991 Stefáni Þór Guðmundssyni í Sandgerði, sama nafn og númer.  Báturinn skráður í Keflavík 1997.

Hafrún KE 80 í Sandgerði.  Ljósmynd Markús Karl Valsson

Eigandi Hafrúnar KE í dag er Auðunn Jörgenson.  Hann er byrjaður að vinna við að gera Hafrúnu upp og leit ég við hjá honum.  Eyjóflur Einarsson var einnig staddur þar að skoða bátinn sem hann smíðaði 1959.  Það var gaman að hitta manninn sem smíðaði bátinn fyrir 52 árum síðan.

Auðunn er byrjaður að rífa af bátnum það sem ónýtt er og hefur hann fengið Hafliða Aðalsteinsson sér til hjálpar.

Auðunn Jörgenson við Hafrúnu, viðgerð hafin.  Reykjavík 08. janúar 2012

Auðunn kvaðst stefna á að báturinn yrði klár fyrir 1. maí 2012.  Hann kvaðst myndi skipta um nafn á bátnum.  Nafn bátsins yrði Óskar Matthíasson VE 23.

Ég fann nokkrar myndir af Hafrúnu KE á netinu og fékk leyfi hlutaðeigandi manna til að nota þær myndir hér á síðunni minni.  Þá tók ég ljósmyndir af myndum sem Auðunn er með hjá sér og þær myndir eru hér í safninu líka.  Ein myndanna er að ég held eftir Jón Pál Ásgeirsson.

Hafrún í Sandgerði.  Ljósmynd Hafþór Hreiðarsson


Hafrún við húsnæði Auðuns.  Ljósmynd af ljósmynd á vegg hjá Auðunni sem ég held að Jón Páll Ásgeirsson hafi tekið.


Í geymslu.  Ljósmynd Arnbjörn Eiríksson

Ég kem svo til með að fylgjast með þessari framkvæmd eftir því sem ég hef tækifæri til.  Þið getið fylgst með því hér fyrir neðan en þar mun ég halda áfram að setja inn frásögn af því sem ég sé breytast og hvernig verkið gengur.

Heimildir:
Íslenski skip, bátar.
Auðunn Jörgenson, munnlegar heimildir.
Upplýsingar af veraldarvefnum, ýmsir aðilar.



08. janúar 2012
Fór og leit á Hafrúnu KE 80 en Auðunn er byrjaður á lagfæringum á bátnum.  Búið var að rífa lúkarinn og borðstokkana af ásamt fleiru.  Talsvert verk fyrir höndum hjá þeim Auðunni og Hafliða Valdimarssyni sem verður honum innan handar við verkið, að gera bátinn klárann.  Eyjólfur Einarsson skipasmiður var á staðnum til að kíkja á bátinn sem hann smíðaði 1959.  Fleiri myndir í albúmi, smellið á eina mynd og þig farið í myndabankann.

Þorsteinn, Auðunn og Eyjólfur við Hafrúnu KE 80.  Reykjavík 08. janúar 2012


Ínnviðir Hafrúnar, lúkarinn farinn, borðstokkarnir farnir.  Reykjavík 08. janúar 2012


Stýrið í Hafrúnu.  Reykjavík 08. janúar 2012


Til gamans tók ég mynd af vottorði frá 06. október 1959 um vélina í bátnum.

 

 

Gleðilegt nýtt ár ættingjar, vinir og velunnarar síðunnar.

Þá er nýtt ár hafið og spurning hvert það leiðir mann.  Ég mun halda áfram á sömu braut og ég hef verið.  Árið byrjaði með miklum hvelli, neeeeeeeee, en ég fór alla vegna á nýju ári, n.t.t. 1. janúar út að mynda.  Ég var í Stykkishólmi um áramótin.  Hef átt frekar fáar vetrarmyndir þaðan en þeim fjölgaði talsvert.  Mun setja eitthvað af þeim hér inn, eina í einu eða svo.

Náði myndum af Knörr en ég hef bara verið með myndir af henni við bryggju eða uppá landi.  Þarna var Knörrin af fara með hrút út í eyju, ég man ekki hvaða eyju en kanski kemur það síðar.  Áramótapartý í vændum hjá hrússa og jafnvel þrettándagleði, say no more. 

Knörr lætur út höfn, Stykkishólmur 01. janúar 2012


Knörr, Stykkishólmur 01. janúar 2012

5216 Rannsý RE 18

Smíðaður árið 1973 af Eyjólfi Einarssyni í Hafnarfirði.  Fura og eik.  Vélin er Volvo Penta 35 ha. árg. 1988.  Hét Sæfinnur KE 145.  Eigendur Sverrir Einarsson, Leifur Einarsson, Sverrir Elentínusson og Kristján Júlíusson, Keflavík, frá 24. apríl 1973. 

Þeir selja bátinn 23. febrúar 1979 Friðriki Guðmundssyni, Hafnarfirði, hét Jón Erling HF 26.  Báturinn var tekin af skrá 17. nóvember 1986 en endurskráður 24. júní 1987. 

Seldur 23. september 1992 Eyjólfi Einarssyni, Hafnarfirði, hét Bylgjan HF 26.  Seldur 6. maí 1994 Halldóri Páli Halldórssyni, Keflavík.  Báturinn heitir Bylgjan KE 17.  Báturinn var skráður sem skemmtiskip 2005.

Held að það sé rétt hjá mér að nýverandi eigandi heiti Sigurður Helgason.  Heitir Rannsý RE 18 í dag.

Önnur nöfn
Sæfinnur KE 145, Jón Erling HF 26, Bylgjan HF 26 og Rannsý RE 18.

Heimildir
www.sax.is
Íslensk skip, bátar, bók 2, bls. 161 - Sæfinnur KE 145

Rannsý RE 18, Reykjavíkurhöfn 13. september 2011

Kæru ættingjar og vinir.

Ég óska þér og fjölskyldum ykkar gleðilegra jóla og heillaríks komandi árs. 

Þann 15. desember skruppum við hjónin í smá ferðalag.  Fyrst var ekið í Grindavík sem var gjörsamlega á kafi í snjó.  Svo miklum að ég tók ekki eina mynd þar.  Þaðan lá leið okkar eftir hinum nýja Suðurstrandarvegi. 

Af Suðurstrandarvegi, 15. desember 2011

Færðin var frekar varhugaverð á köflum en slapp til.  Talsverð hálka og þæfingur, ég festi bílinn ekki, en kviðdráttur var víða.  Tek fram að ég ek um á sliddujeppa, Hondu CRV, frábær bíll.
Það var nú ekki eins mikill snjór við Suðurstrandarveginn eins og var í Grindavík en allt hvítt.  Það var kalt úti og meðan karlinn hljóp út til að mynda með reglulegu millibili sat frúin inni í bíl, í hitanum og prjónaði.

Elfa Dögg veifar mér inni í ilnum, 15. desember 2011

Ókum sem leið lá í Þorlákshöfn og ókum aðeins um þorpið.  Þar var lítið að sjá annað en að himininn var mjög svo fallegur.  Þá sáum við tvo jeppakarla, annar utanvegar og hinn að hjálpa til.  Ég forðaði mér á mínum sliddara.

Rétt áður en við komum í Þorlákshöfn, fallegur himinn.  15. desember 2011


Jeppakarlar að leika, moka, moka, 15. desember 2011

Þaðan lá leiðin á Eyrarbakka.  Þar ókum við um og voru nokkrar myndir teknar. 

Veðurbarið hús á Eyrarbakka 15. desember 2011

Eftir það lá leiðin inná Selfoss og austar.  Gistum á Hótel Rangá um nóttina. 

Hótel Rangaá í kvöldsólinni 15. desember 2011

Morgunin eftir þá var haldið af stað aðeins austar, eða að Seljalandsfossi og lítið eitt austar að bænum Fit.  Við Seljalandsfoss var mikill vetur, eða réttara sagt frost.  Annar stiginn var í klakaböndum eins og þið sjáið hér.

Í klakaböndum.  Við Seljalandsfoss 16. desember 2011

Eftir þennan frostna stiga, sem ég þorði ekki að fara upp var haldið aðeins austar og kíkt að bænum Fit.  Þar sá ég myndefni sem ég myndaði oft.  Girðingastaurar og gaddavír.........

Girðingastaurar og gaddavír, 16. desember 2011

Eftir það var snúið heim á leið.  Mér datt í hug að kíkja á Landeyjarhöfnina svona til að geta sagt að ég væri búinn að sjá þetta mannvirki.  Ekki fannst mér það neitt fyrir augað en Vestamannaeyjar voru flottar séðar frá Landeyjarhöfninni.

Kíkt til Vestmannaeyja, 16. desember 2011

Veðrið var frábært og sólin skein, kalt var í veðri báða dagana og smá vindur.  En það sem stóð uppúr var ferðalagið með konunni að sjálfsögðu.  Hún var að ná mér í aldri svo það var aldarreinsla þarna á ferð.

Að lokum verð ég að geta þess að þar sem ég drekk ekki áfengi þá lítur það kanski undarlega út en ég skrapp á barinn.

Barinn á Hótel Rangá

Ég fékk mér einn og viðbrögðin létu ekki á sér standa.

Ojjbara.................. 15.desember 2011

Það kom mér verulega á óvart þegar ég heyrði hvaða bátur Júlli var en hann er gamli Kristján ÞH5.  Hafþór hafði sent mér mynd af Júlla frá Húsavík, við í sameiningu sögðum þetta ekki sama Júllann en við höfðum rangt fyrir okkur.

Júlli x Kristján ÞH 5, 5430
Smíðaður á Húsavík 1966 af Jóhanni Sigvaldasyni skipasmið á Húsavík.  Eik og fura.  2 brl. 10 ha. Thornycroft vél.  Afturbyggður opinn súðbyrðingur.
Smíðaður fyrir Helga Kristjánsson Setbergi á Húsavík frá 18. mars 1966.  Helgi átti bátinn í 27 ár eða til ársins 1993.  Frá því ári var báturinn skráður á Höfða hf. Húsavík.  Seldur 27. ágúst 1996 Kristjáni Ásgeirssyni Húsavík. 
Aðalsteinn Júlíusson á Húsavík eignast bátinn í kringum 1999-2000.  Hann náði að eignast bátinn rétt áður en gefa átti hann á leikvöll á Húsavík.  Báturinn var frekar lúinn en Aðalsteinn tók bátinn í gegn og gerði hann upp, skipti um nafn og kallaði bátinn Júlla.  Aðalsteinn seldi bátinn til Reykjavíkur um 2003-2004.
Núverandi eigendur eru Kristján Atli Hjaltalín og Guðmundur Sighvatsson en þeir keyptu bátinn af Aðalsteini.  Kristján kvaðst hafa gert lagfæringar á bátnum, m.a. hafi hann skipt um stýrishús, stækkað það lítillega og smíðaði kassa aftan við stýrishúsið því plássið sem þar var hafi nýst illa.  Þá hafi hann sett mahogníhurð og mahogní í kringum gluggana. 
Kristján sagði það vera þrjú ár sem Júlli hafi ekki farið í sjó og þetta væri spurningin um að gera eitthvað núna í vor ef báturinn ætti ekki að eyðileggjast.

Heimildir
www.aba.is
Íslensk skip, bátar, 4 bindi bls. 141
Kristján Atli Hjaltalín, munnlegar upplýsingar

Júlli, Reykjavík 01. maí 2011


Júlli á Húsavík.  Ljósmynd Hafþór Hreiðarsson 18. ágúst 2001

má sjá ýmislegt.  Fór og kíkti út núna í kvöld en fann ekkert sem ég vildi mynda.  Smellti samt myndum af Garðakirkju og tunglinu.  Langar að taka fram að báðar myndirnar eru í lit.