Fyrir fuglakarla þá verður sér mappa með þeim fuglamyndum sem ég tók.  Þær eru nú ekki margar en ná þremur tugum þó.  Tegurndirnar eru 12 að ég held.  Hér kemur einn.

Turkey Valture, gæti verið Kalkúnagammur á íslensku:-) Florida 07. mars 2010.

Fyrir ykkur bátakarla þá er lítið um báta nema þá helst skemmtibáta.  Það geta þó komið þokkalega skemmtilegar myndir út úr þeim.  Hér er ein sem mér finnst ágæt.

Einn á leið í loftið.  Myndin tekin við Cosumel við Mexikó, 15. mars 2010.

Þá erum við hjónin komin heim úr ferðalaginu.  Það styttist í að myndir komi inn úr þessari ferð okkar.  Hér er þó ein sem tekin var af mér, flottur kallinn, eða þannig.  Þetta var liturinn þegar ég fór út og ég held að ég sé enn hvítari núna.  Sem sagt fyrir ykkur sem hafið aðeins fylgst með þá var ég ekki hættur heldur bara í ferðalagi.  Meira síðar....................+/- 800 myndir:-)

Myndin er tekin við Florida Hotel 06. mars 2010.

Tvo síðustu daga hef ég farið með vélina og leitað fanga.  1610 Ísleifur VE 63 var í Reykjavíkurhöfn þann 22. febrúar.  Þá tók ég myndir í Hafnarfjarðarhöfn þann 23. febrúar.  Afraksturinn er í albúminu skip og bátar 2010.

1610 Ísleifur VE 63.  Reykjavíkurhöfn 22. febrúar 2010


Hafnarfjarðarhöfn 23. febrúar 2010

Í stóru flotkvínni í Hafnarfirði rak ég augun í togara.  Eitthvað fannst mér ég ætti að kannast við hann en var ekki viss.  Sá að togarinn var nýmálaður og búið að mála á hann nafnið.  Ég smellti af myndum af nafninu og skipaskrárnúmerinu.  2702 Gandí VE 171.  Þegar ég skoðaði myndina heima sá ég að ofan við nafnið stendur Rex HF24.  Það er sem sagt búið að setja nýja nafnið á Rex.

Gandí VE 171 ex Rex HF 24  Hafnarfjörður 23. febrúar 2010

Setti inn nokkrar myndir af bátum sem ég tók í Stykkishólmi.  Þetta bara gert fyrir Haffa að sjálfsögðu:-)  Var að hugsa um að setja inn getraun þar sem ég hef veri að sjá menn þekkja báta nánast á engu.  Hér fyrir neðan er myndin sem ég ætlaði að setja inn en fannst þetta svo vera full auðvelt fyrir ykkur bátakarlana svo ég læt þetta bara koma.  Fleiri myndir inni í skip og bátar 2010 albúminu.

Gullhólmi SH 201.  Stykkishólmur 20. febrúar 2010


Knörr SH 10.  Stykkishólmur 21. febrúar 2010


Kári SH 78.  Stykkishólmur 21. febrúar 2010

Var í Stykkishólmi um helgina.  Í raun nokkuð erilsöm helgi hjá mér sem byrjaði á því að við ókum fram á umferðaróhapp á leið í Hólminn.  Við vorum með þeim fyrstu sem komum að þessu og gat ég ekki annað en veitt aðstoð á vettvangi.  Tvær fluttar á slysadeild og vona ég að meiðsl þeirra hafi verið minniháttar og þær nái sér fljótt.  Þegar ég svo var að taka myndir á sunnudagsmorguninn, m.a. þessar tvær neðri hér, þá var ég með þeim fyrstu sem kom á brunavettvang.  Ég tók myndir en ætla að sjá til hvort ég set myndirnar inn.  Vona að sá sem var inn í húsinu nái sér að fullu en samkvæmt blöðunum þá er honum haldið sofandi.
Sem sagt viðburðarrík helgi hjá mér.

Stykkishólmskirkja, 20. febrúar 2010


Bjarnarhafnarfjall, 21. febrúar 2010


Í Stykkishólmi, 21. febrúar 2010

Fjölskyldan skrapp í Sögusafnið í Perlunni á safnakvöldinu þann 12. febrúar 2010.  Ég hafði aldrei farið á þessa sýningu áður.  Ég get ekki sagt annað en að þetta sé eitt það flottasta safn sem ég hef séð, ef ekki það flottasta.  Fígúrurnar eru mjög raunverulegar.  Þá voru inn á milli lifandi fólk í víkingabúningum og stóð það eins og styttur.  Þegar fólk átti síst von á þá stukku þeir fram öskrandi og þvílík óp sem heyrðust.
Setti nokkrar myndir í albúm sem ég tók þarna svo þið getið séð.  Fyrir ykkur sem ekki hafið farið mæli ég með þessu.  Það tók tvö ár fyrir eigandann að koma þessu á legg og þeir voru 6 saman sem unnu að þessu.  Það  tók 3 vikur að setja hárið í hvern haus svo vinnan var mikil.  Elín Hanna fékk að prófa ein herklæði og sagði hún þetta vera þungt.  Hún stökk ekki hæð sína í loft upp í fullum herklæðum eins og sumir gerðu um árið.

Víkingar tóku á móti okkur utan við Perluna.  Safnadagar 12. febrúar 2010


Hér eru menn höggnir.  Safnadagar 12. febrúar 2010


Tveir tilbúnir að stökkva fram rétt eftir að komið var inn.  Safnadagar 12. febrúar 2010


Elín Hanna í öllum herklæðum.  Safnadagar 12. febrúar 2010

Setti inn nýtt albúm, skip og bátar 2010.  Ég fór í smá ferð s.l. miðvikudag 10. febrúar og kíkti á Reykjavíkurhöfn. Hér er afraksturinn frá þeirri ferð.  Fyrstu myndirnar eru komnar inn í albúmið.

2449. Steinunn SF 10 og 2749. Helga RE 49.  Reykjavíkurhöfn 10. febrúar 2010


2541. Ásgrímur S. Björnsson.  Reykjavíkurhöfn 10. febrúar 2010


2774. Kristrún RE177 og 2184. Vigri RE71.  Reykjavíkurhöfn 10. febrúar 2010

Að undanförnu hef ég verið að safna upplýsingum um 5079 Fleyg ÞH 301.  Setti inn skrá með þessum upplýsingum og ef þið smellið hér \files\5079 Fleygur ÞH301.docx þá opnast skráin um Fleyg ÞH301.

5079. Svanur GK240.  Myndin líklega tekin á tímabilinu 1963-1965. Mynd Ásbjörn Eggertsson

Fleygur ÞH301 þegar hann var gerður út af Eiríki Marteinssyni.  Mynd Hafþór Hreiðarsson


Svona leit Fleygur ÞH301 út árið 2006 í Hafnarfirði.  Nú er verið að vinna í að gera hann upp.

Eins og glöggir hafa kanski séð þá er hún Magga frænka mín alltaf að biðja um gamlar myndir.  Ég held að ég slái til og setji hér inn mynd af "ungri" lítilli frænku minni sem átti afmæli í janúar s.l. og varð ....................................................................................... gömul.  Frænka það er bannað að senda mér sms vegna þessarar myndar en þú mátt segja allt sem þú vilt hér á síðuna.  Ég get alltaf eytt því út er mér líkar það ekki, haahahahhahahhah.  Til hamingju með daginn um daginn:-)
Þarna á myndinni er frænka mín ung og sæt, nú í dag er hún baaaaaara sæt:-)  MGÞ ég elska þig líka.

Ég fékk sendar þessar þrjár myndir og verð bara að setja þær hér inn.  Ég veit að Magga frænka mín hefur verulega gaman af þessu.  Baldur Sigurgeirsson æskuvinur minn sendi mér þessar myndir.  Ég man ekki eftir að hafa séð þær áður en það gæti nú samt verið.  En sem sagt hér erum við félagarnir.

Brói (Rikki) og Baldur fyrir framan heimili Baldurs á Garðarsbrautinni.


Brói og Baldur, hvaða köttur þetta er veit ég ekki.  Myndin tekin í braggahverfinu svonefnda.


Brói slekkur í sinu.

Kíkti niður að Hafnarfjarðarhöfn, við kvíarnar var mikið fuglalíf.  Tugir af skörfum, toppöndum og æðarfugli.  Einn selur var þarna líka.  Þegar ég var þarna á ferð þá var farið að skyggja lítillega og ég setti vélina á 1600 iso.  Það gékk þokkalega, myndirnar svolítið grófar en allt í lagi held ég.  Þegar fuglarnir flugu af stað þá var ekki séns að ég gæti náð þeim en þessi mynd hér fyrir neðan kemur nokkuð skemmtilega út finnst mér.  "Farinn" myndin hreyfð.  Svo ég vitni í menn sem hafa deilt um fuglamyndir þá myndu þeir líklega segja að þessi mynd lýsi atferli þessa fugls nokkuð vel.  Neðsta myndin er af dílaskarfi, hann situr þarna á landfestingunni frá stóru kvínni.

Toppönd í Hafnarfjarðarhöfn, 24. janúar 2010


Farinn, toppönd í Hafnarfjarðarhöfn, 24. janúar 2010


Dílaskarfur í Hafnarfjarðarhöfn, 24. janúar 2010

Verð að leiðrétta það sem ég hef sagt hér að neðan.  Haffi leiðrétti mig og efsta myndin er ekki af 162 heldur 1291.  Læt hitt standa en leiðrétti líka undir myndinni.  Svona er það nú, ekki er ég nú betri í þessum bátum en þetta.:-)


Ég hef verið nokkuð duglegur að skoða síður hjá öðrum áhugamönnum um báta.  Ég er ekki sá duglegasti við bátana en hef verið að taka þá inn líka.  Flestar mínar myndir eru af bátum við bryggju og eru skiptar skoðanir manna um þær myndir.  Ég held minni síður úti mér til gamans og öðrum til ánægju, vona ég alla vegna. 

Emil Páll er einn af þessum áhugamönnum sem heldur úti síðu/m þar sem hann setur inn báta og upplýsingar um þá.  Hann hefur verið duglegur við að setja inn myndir af sama bátnum með hinum ýmsu nöfnum og hef ég gaman af því að skoða þetta, sjá hér http://emilpall.123.is/

Þetta varð til þess að ég fór að skoða myndasafnið hjá mér til að sjá hvort ég ætti myndir af sama bátnum með fleiri en eitt nafn og viti menn svo undalega vildi til að ég fann alla vegna tvo þ.e. 2660 Arnar SH157 sem getið er hér á undan og einnig 162. Arnar SH157 - Fagraklett HF123 - Polaris.  Veit að ég get fundið einhverja fleiri en held að þessi eigi metið hjá mér, þ.e. þrjú nöfn.  Ætal ekki að setja inn neinar upplýsingar um þennan bát hér heldur vísa í síðu Emils Páls http://emilpall.123.is/blog/record/417252/

1291 en ekki 162. Arnar SH157 í Stykkishólmi 27. maí 2008


162. Fagriklettur HF123 í Hafnarfjarðarhöfn 13. september 2008


162. Polaris í Reykjavíkurhöfn 10. maí 2009

2660 Arnar SH157 er gerður út frá Stykkishólmi.  Báturinn var smíðaður 2004 hjá Seiglu ehf og er af gerðinni Sigur 1500.  Var sjósettur 13. desember 2004 og bar þá nafnið Happasæll, þá sagður stærsti plastbátur á Íslandi.
Önnur nöfn:  Happasæll KE94. 
Samkvæmt aflatölum frá 12. nóvember til 12. desember 2009 hefur Arnar SH aðallega verið að veiða skötusel, en á þessum tíma veiddu þeir 5.277 kg. af skötusel.

Heimldir:
Skip.is - http://skip.vb.is/frettir/nr/5634/
Sax.is, skipaskrá - http://sax.is/?gluggi=skip&id=2660
Myndir af bátnum á fullri ferð má sjá hér - http://skipamyndir.123.is/album/Default.aspx?aid=69651&lang=en

2660. Happasæll KE-94 nú Arnar SH-157.


2660. Arnar SH-157 ex Happasæll KE-94 í Stykkishólmshöfn 31.12.2009