Er staddur í Flatey á Breiðafirði. Kom hér út í talsverðum sjógangi og 14 metrum á sek. af norðaustan. Fyrir landkrabba eins og mig var það talsvert. Svo kom fyrsta nóttin og næsti dagur og þá var arfabrjálað veður. Slidda og stormur. Sem betur fer þá vorum við innandyra og höfðum það notarlegt.en þó vitað um þrennt sem skemmst hefur. Fjarskiptamastur er við það að falla en hangir á en vonandi reddast það á morgun. Bátskél sem notuð hefur verið við fjárflutninga slitnaði upp og skorðaðist á eyði við Hafnarey. Þá var einhver girðing sem fauk hjá við Krákuvör. Litlar skemmdir hafa orðið hér í Flatey Í dag er talsverður vindur og ég skrapp og tók nokkrar myndir.
Hér má sjá símamastrið í Flatey, 30. desember 2012
Þegar þetta kemur inn þá er búið að rétta mastrið við, en Magnús bóndi í Krákuvör og Helgi í Grænagarði fóri í morgun, 31.12. og réttu það við. Ég ætlaði að vera klár á myndavélinni en ákvað að kúra mig undir sæng.
Fuglalífið hér hefur komið mér á óvart þ.e. ég hef séð meira af fuglum en ég átti von á. Hér er talsvert af æðarfugli, teisu hef ég séð, toppskarfa, svartbaka, hvítmáfa, talsvert af hröfnum, um 30 snjótittlinga, einn fálka og einn auðnutittling. Þessir tveir síðustu komu mér mest á óvart. Ég hef í raun ekkert verið að leita eftir fuglum þar sem veður hefur verið snarvitlaust ef svo má að orði komast.
Kæru ættingjar, vinir og kunninjar vona að þið eigið ánæguleg áramót.