Datt í hug að það gæti verið gaman að ræða aðeins um ljósmyndir þ.e. að skoða uppbyggingu þeirra, hvað mætti betur fara og svo framvegis.  Ég veit að ég er ekki sá besti til að leiðbeina fólki en ég hef mínar skoðanir og ég held að þær séu oft á tíðum ekkert verri en annarra. 

Þegar fuglar eru myndaðir þá reyna menn oftast að ná mynd þannig að fuglinn sjáist allur.  Þá er það mjög algengt að fugl á mynd sé fyrir miðri mynd.  Miðjujafnaðar myndir geta verið leiðigjarnar en þó er það oft þannig að annað er ekki hægt. 

Þessi mynd af glókolli er miðjujöfnuð.  Þetta er ekki góð mynd af fuglinum sem slíkum þar sem hann sést ekki nógu vel.  Hins vegar er ég mjög sáttu við þessa mynd í heild sinni þ.e. að glókollur er mjög kvikur og felugjarn oft á tíðum.  Þessi mynd er tekin inní grenitré eins og vel sést og því mikið af greinum sem gátu skyggt á hann.  Mér finnst þessi mynd lísa atferli fuglsins mjög vel, svona er glókollur, felugjarn oft á tíðum.   Hér má velta fyrir sér hvort ég hefði getað fært mig aðeins til hægri og myndin þá orðið betri.  Hefði ég fært mig þá hefði fuglinn í fyrstu verið farinn, í öðru lagi þá hefðu greinarnar tvær sem eru óskýrar framan við fuglinn farið fyir hann, bæði höfuð og miðjan búk.  Í þessu tilfelli hefði ég ekki náð betri mynd en þá er alltaf að reyna aftur síðar.

Þessi mynd er ekki miðjujöfnuð eins og þið sjáið.  Starinn er aðeins til vinstri á myndinni.  Ég er ánægður með þessa mynd og hefði ekki viljað hafa hana neitt betri.  Hér má sjá að á miðju myndarinnar er ekkert nema blár sjórinn.  Miðjan rammast inn af jörðinni, fuglinum, flugunni (svarti punkturinn) og hvönninni.

Að lokum er það sú mynd sem ég er hvað hrifnastur af, af mínum myndum.  Þegar ég skoða þessa mynd þá finnst mér ég finna að fuglinn er einmanna/einfugla, hann er að leita að einhverju.  "Hvar er Dimmalimm?" sagði góð kona við mig þegar hún sá þessa mynd.  Hér er álftin aðeins hægra megin við miðju og ég vildi að speglunin kæmi öll inn til jafn á við álftina sjálfa.

Að lokum hér ein mynd sem er skelfileg.  Það var hins vegar mómentið sem ég sá skemmtilegt við þessa mynd.  Á þessari mynd, sem er nokkurskonar felumynd, má sjá gráhegra hægra megin á myndinni og ber ljósastaurinn í gegnum fuglinn.  Það að ljósastaurinn sé þarna í bakgrunni og sé í gegnum fuglinn er ekki gott.  Hefði ég beðið aðeins lengur þá hefði fuglinn verið farinn framhjá staurnum.  Mómentið er hins vegar það að það er eins og gráhegrinn sé að elta bílinn og þess vegna hef ég leyft fólki að sjá þessa mynd.

Í síðustu tveimur bloggum hef ég sett inn nokkrar myndir af veðrinu.  Auðvitað eru myndirnar þó ekki af veðrinu sem slíku en það getur spilað stóran þátt í þeim hughrifum sem sá sem skoðar myndina verður fyrir.  Skoðum þetta aðeins nánar. 
Fyrsta myndin hér að neðan er af Reynisdröngum.  Ef horft er á hana sem slíka þá er þessi mynd ekkert sérstök af dröngunum.  Ef þú horfir á hana út frá veðrinu þá sérðu mikla þoku og segja má að þú "finnir" fyrir veðrinu og Reynisdrangar segja þér einfaldlega hvar myndin er tekin. 
Myndin af Bessastaðakirkju.  Þokkaleg mynd, sem slík, af Bessastöðum.  Ef þú tekur veðrið með í reikninginn þá sérðu að þarna er ótrúlega kalt, allt gras hrímað.  Mikið frost og logn, sem sagt mjög fallegt veður og um leið þá horfir maður á alla myndina en ekki bara Bessastaði.  Það geri ég alla vegna.  Þá má líka segja hér að Bessastaðir segja bara hvar myndin er tekin. 
Þegar þú tekur mynd þá er það spurning hverju vildu ná fram, hvaða hughrif viltu fá frá þeim sem skoðar myndina.   Prófaður þetta sjálf/ur.

Þoka í Vík.  Reynisdrangar.


Frost, logn.  Bessastaðir.


Sólsetur á Skógarsandi.  Undir Eyjafjöllum.


Flateyjarkirkja og Snæfellsjökull.


Þessi mynd er tekin aðeins seinna en myndin af Flateyjarkirkju.

Eitt af því sem Íslendingar ræða er veðrið.  Þegar menn komast í þrot með umræðuefni og vita ekki hvað þeir eiga að segja þá tala þeir um veðrið.  Hér í Reykjavík var rok og rigning í morgun þegar ég fór í vinnuna en ég sé að það er aðeins að lægja þó það sé ekki mikið og þá finnst mér rigningin ekki alveg eins mikil en það dropar þó ennþá.  Sumir segir að veðrið á höfuðborgarsvæðinu sé eðlilegt þegar það er rok og rigning.  Kanski er þetta rétt og kanski ekki því ég man..................þarna! 
Eins og ég sagði þá er það veðrið sem er efst í huga mér þessa dagana því það eru minni umhleypingar í veðrinu en í bankamálunum, hér eru nokkrar myndir af veðri.

Brjálað rok og ausandi rigning í Reykjavík.  Hallgrímskirkja.


Fallegt haustveður á Þingvöllum.


Á haustin kemur oft mikil þoka.  Garðakirkja.


Rigningin nálgast. 


Logn á Hlíðsnesi.


Snjókoma í logni.  Hafnarfjarðarhöfn.

Jæja gott fólk.  Lítið hefur gerst hjá mér undanferið hér á síðunni minni.  Hef ekki gefið mér tíma en það fer vonandi að koma.  Ég á slatta af myndum sem ég þarf að gera klárar og svo set ég þær hérna inn.  Set hér inn myndir svona rétt til að rifja upp, hvað var, hvað er og hvað er framundan.

Sumarið...........er liðið.

Haustið...............er komið.


Veturinn................er framundan.

Við vinnufélagarnir hér á Húsavík skruppum í Flatey á Skjálfanda þann 26. ágúst svona rétt til að klára sumarið ef svo má segja.  Fyrst var farið inn með, nánast inn undir Skjálfandafljótsós, þaðan farið út með Kinnafjöllunum.  Veitt smávegis á sjóstangir, því næst haldið í Flatey og grillað.  Smá göngutúr um Flatey og því næst í bátinn aftur og út í Flateyjarsundið og veitt smá meira.  Að því loknu haldið heim.  Góð ferð með góðum mönnum.  Hér eru nokkrar myndir úr ferðar en miklu fleiri myndir eru í sér myndaalbúmi. 

Hluti hópsins, Hreiddi, Jóhann, Sigurður, Viggi og Billi. 


Þegar báturinn var settur á fullt þá gaf aðeins á hann, einn lét það ekki á sig fá og sat úti allan tímann.  Jóhann lét ekki smá pus hafa áhrif á sig.  Skál, félagi. 


"Já, vinur, ég er með ribbs, þetta er svo rosalega gott."
Viggi er ógeðslegur í mat eins og sjá má, hahahahaha.  Vona að þið sem sjáið þessa mynd missið ekki matarlistina.


Vitaverðirnir, Deddi, Ingvar, Jóakim, Addi og Billi.  Hér gæti manni dottið í hug ýmis nöfn sem enda á ....vitar, en það á ekki við hér.


Já, sumir myndast betur en aðrir, félagi.  Jóhann er einn þeirra, félagi. 


Ein kvöldstemma í restina.  Flatey yfirgefin.

Fleiri myndir frá ferðinni um nágrenni Húsavíkur.  Fleiri myndir eru svo í sér möppu um þessa ferð.

Armin með strákana við Dettifoss.  Myndin tekin 11. ágúst 2008.


Dimmuborgir.  Myndin tekin 12. ágúst 2008.

Í Námaskarði.  Myndin tekin 12. ágúst 2008.

Dagana 10-12. ágúst komu Björg Ólöf og Armin með strákana sína, til Húsavíkur og fórum við fjölskyldan af Breiðvanginum með þeim smá rúnt um nágrenni Húsavíkur, t.d. Dettifoss, Ásbyrgi, Vesturdaglur og Hljóðaklettar, Kálfaströnd, Dimmuborgir og Námaskarð svo eitthvað sé nefnt.  Ég hafði gaman af að sýna þeim aðeins hvernig Norðurlandið lítur út og vona ég að þau hafi haft einhverja ánægju af.  Hér má sjá þrjár myndir úr Mývatnssveit.

Armin, Andri Hjörvar, Jóhann Örn, Kristjón Benedikt og Björg Ólöf.  Myndin er tekin 12. ágúst 2008 við Kálfaströnd í Mývatnssveit.


Björg Ólöf og Kristjón skoða sig um.  Talsvert var af mýi eins og sjá má í vinstri horni myndarinnar.  Myndin tekin 12. ágúst við svonefnda Klasa.


Klasar Kálfastrandarmegin, Höfði er til hægri á myndinni.  Myndin er tekin 12. ágúst 2008.

Þá eru Mærudagarnir 2008 búnir.  Þetta gékk frábærlega fyrir sig, allir bæjarbúar sem ég hef hitt eru ánægðir með hvernig til tókst.  Allir í góðu skapi í góðu veðri og nóg að gera fyrir alla.  Þeir sem sáu um þessa Mærudaga eiga heiður skilið fyrir hvernig til tókst.  Setti inn nýja möppu Mærudagar 2008 og eru þar nokkrar myndir sem ég náði aðallega af fólki.  Það eru myndir af mótorhjólasýningu við Shell og gestum Mærudaga 2008, þá eru myndir frá hrútasýningu en sá að vitlausir hrútar voru dæmdir.  Kúti það fór þó aldrei svo að það kæmi ekki mynd af þér á þessa síðu.

Mótorhjólasýning Náttfara við Shell.  Myndin tekin 26. júlí 2008.


Mynd tekin á hrútasýningu, hefði nú viljað láta meta hrútinn til vinstri á myndinni.  Myndin tekin 26. júlí 2008.


Hulda Þórhallsdótti kíktí á lífið í bænum.  Myndin tekin 26. júlí 2008.

Það eru fleiri sem borða ís á Húsavík og hér má sjá tvo þeirra.  Held að þeir njóti íssins ekkert síður.  Simmi setti þessa mynd inn bara fyrir þig............

Simmi Togga eða ROBO-eitthvað gæðir sér á ís.  Myndin tekin 23.07.2008.

Séra Sighvatur gæðir sér á pinnaís.  Myndin tekin 23. júlí 2008.

Að mínu mati er Helguskúr eitt af því sem menn eiga ekki að láta framhjá sér fara á Mærudögum.  Þessi skúr er "ekta" og eigandinn Helgi Héðinsson er líka "ekta".  Hver hlutur sem þarna er á sér sögu og hefur Helgi sagt mér nokkrar.  Ég reyni alltaf að hitta á Helga og ræða lítillega við hann þegar ég kem til Húsavíkur, finnst það ómissandi.  Ég veit að Helgi og fjölskyldan hans eru í skúrnum á Mærudögum og kvet ég alla til að líta þar inn.  Gleðilega Mærudaga.

Helguskúr 1951.

Fyrir ykkur sem ekki vitið þá fæddist ég á Húsavík og ólst upp í þessu húsi, það heitir Hulduhóll og stendur við Garðarsbraut 42.  Núverandi eigandi er að breyta því mikið að innan og utan m.a. hefur hann klætt það að utan með timbri.  Dökkbrúna timbrið efst við þakið þekki ég en ekki þetta ljósbrúna.  Þegar ég hef komið til Húsavíkur hefur mér ekki fundist þetta klæða húsið neitt sérlega vel enda ennþá með Hulduhól í huga eins og hann var.  Ég ákvað því að taka myndir af því til að geta skoðað það og eftir því sem ég skoða það oftar þá held ég að það komi nú að því að ég venjist því. 

Hulduhóll.

Nú hafa staðið yfir sænskir dagar á Húsavík og í dag hefjast Mærudagar.  Fyrir ykkur sem ekki vitið þá er talað um að orðið mæra sé sér Húsvískt orð yfir salgæti.  Þegar mærudagar fóru fyrst af stað og þetta orð var valið þá var verið að hugsa um allskonar mæru, mæru fyrir allan líkamann ekki bara magann.  Ég hef verið á bryggjunni tvo síðustu daga að taka myndir.  Það hafur verið siglingaklúbbur á sænskum dögum og ég myndaði þar, þá eru hér trillur svona uppá gamal móðinn og var þeim siglt með seglum, þá er það seglskútan Activ London en ég hef að sjálfsögðu tekið nokkrar myndir af henni svona til gamans, sá tvo áhafnarmeðlimi klifra upp í mastrið.  Svo af sjálfsögðu hef ég tekið einhverjar myndir af Elínu Pálsdóttur en aðrir fjölskyldumeðlimir hafna myndatökum.  Þá hef ég náð nokkrum myndum af Húsvíkingum en læt duga að setja þær inn í möppuna, Húsavík og nágrenni, en færi þær síðan á réttan stað síðar.

Elín Pálsdóttir, stórfrænka mín. 
Myndin er tekin 16. júlí 2008 við Höfðabrekku á Húsavík.

Myndin er tekin 23. júlí 2008 við Húsavíkurhöfn.

Hér sjást skipverjarnir tveir hátt uppi í mastrinu.  Myndin er tekin 22. júlí 2008.  Fleiri myndir eru af þessum tveimur stúlkum, já ég sagði stúlkum í möppunni.


Hreidda fannst þessi ís mjög góður eins og sjá má.  Myndin tekin 23. júlí 2008.

Þessi mynd var tekin í gær, 10. júlí á rölti mínu um Húsavík.   Næst er að ná mynd þar sem fræin eru farin að fljúga.  Stefni á að gera tilraun til þess síðar og ef vel gengur þá sést afraksturinn hér.

Ég er staddur á Húsavík og verð þar til loka ágúst.  Hef komist út í tvo daga til að mynda og hér er afraksturinn. Í gær var mjög fallegt veður eins og þið sjáið og tók ég langan göngutúr.  Margar myndir þar sem Húsavíkurfjall sést en það er "næstum" því jafnhátt og fjöllin í Austurríki.  Hér má sjá tvær myndir frá því í gær 10. júlí 2008.  Fleiri myndir í Húsavíkurmyndaalbúminu.

Húsavíkurfjall og Búðaráin í forgrunni.

Það vill svo vel til að hann Einar Steinþórsson, tengdafaðir minn var með okkur í Austurríki.  Ég náði "nokkrum" myndum af honum í ferðinni.  Hér er ein mynd af honum þar sem hann hefur alla jörðina á herðunum, sem hann virðist nú fara létt með.

Myndin er tekin í Minimundus sem er garður með þekktum byggingum.  Ekki ósvipað legolandi nema að allar byggingar eru smíðaðar úr sama efni og fyrirmyndirnar.

Hér er ein af tengdaforeldrum mínum sem tekin var síðasta daginn okkar uppi í fjöllum.  Hér horfa þau saman á útsýnið.