Ester EA ex Páll Helgi ÍS

Smíðaður í Smíðastöð Jóns Ö. Jónssonar í Reykjavík 1977.  Eik og fura.  21 brl. 265 ha. Cummins díesel vél.

Eigandi Guðmundur Rósmundsson, Benedikt Guðmundsson og Páll Guðmundsson, Bolungarvík og Hólmsteinn Guðmundsson, Reykjavík, frá 27. júlí 1977.  Báturinn var seldur 28. september 1978 Pétursvör hf, Bíldudal, báturinn hét Hringur BA 165.  Seldur 22. febrúar 1980 Hringi sf, Skagaströnd, báturinn hét Hringur HU 3.  Seldur 19. desember 1983 Rækjuveri hf, Bíldudal, bátuirnn heitir Pétur Þór BA 44 og er skráður á Bíldudal 1988.

Sá bátinn við bryggju við Slippstöðina á Akureyri 06. ágúst 2016.  Í skipaskrá kemur fram að báturinn heitir Ester EA3 og útgerðin Selló ehf.

Nöfn: Páll Helgi ÍS 142, Hringur BA 165, Hringur HU 3, Pétur Þór BA 44, Ester EA 3

Upplýsingar

Íslensk skip, bók 2, bls. 88, 1491 Páll Helgi ÍS 142

Ester EA 3 ex Páll Helgi ÍS 142.  Akureyri 06. ágúst 2016

1430 Seaflower VE 008 ex Birta VE

Smíðaður  hjá Vör hf, Akureyri 1975.  Eik.  Stokkbyrðingur.  28.8 brl. Vél 295 ha. Volvo Penta 1989.

Smíðatími var 14.585 klst. en þar af fóru 6.722 klst. í járnsmíði, frágangs vélbúnaðar og siglingatækja eða 46% heildartímans.

Báturinn var smíðaður fyrir Ægi hf. Grenivík en að útgerðarfélaginu stóðu Guðjón Jóhannsson, Jóhann Ingólfsson, Sævar Sigurðsson, Pétur Eyfjörð og Gísli Árnason. 
Báturinn var í eigu þessara aðila í tæp átta ár, eða til ársins 1983, er hann var seldur til Húsavíkur þar sem hann hélt nafni sínu og einkennisstöfum. 
Frá Húsavík fór báturinn til Sandgerðis árið 1993 og fékk þar nafnið Erlingur GK-212 en árið 1996 er einkennisstöfum breitt í GK-214. 
Árið 1996 fékk báturinn nafnið Dagný GK-91 með heimahöfn í Vogum en tveimur árum seinna, eða 1998, var hann kominn til Vestmannaeyja og hét þar María Pétursdóttir VE-14. 
Árið 2001 fékk báturinn nafnið Birta VE-8, Vestmannaeyjum og er eigandi hans skráður TT Luna ehf., Vestmannaeyjum. 
Skemmdir urðu á bátnum í Keflavíkurhöfn í mars 2010 en 10. nóvember 2010 fékk báturinn nafnið Víðir EA-212, Grenivík. 
Þrátt fyrir nafnbreytingu var eigandi áfram skráður TT Luna ehf. 
Í upphafi árs 2011 lá báturinn í Reykjavíkurhöfn og beið þar viðgerðar en 8. febrúar 2011 er nafnið Birta VE-8, Vestmannaeyjum komið á hann aftur og eigandi enn þá skráður TT Luna ehf. 
Ekki er betur vitað seinni hluta árs 2011 en að búið sé að gera við skemmdir á bátnum og hann sé því góðu lagi. 
Skráður eigandi frá því í febrúar 2012 er Svörfull ehf. Vestmannaeyjum og nafnið Birta VE-8 ber hann enn árið 2015. 
Eftir því sem best er vitað liggur báturinn í Hafnafjarðarhöfn á haustdögum árið 2015.

Í apríl 2016 er báturinn enn í Hafnarfjarðarhöfn og verið að vinna við hann.  Eigandi er Þorvaldur Jón Ottósson, báturinn heitir Seaflower VE-008.  Þorvaldur vinnur við að gera bátinn upp í dag og fljótlega mun hann fara með bátinn upp á Akranes í slipp, í skverun.  Þorvaldur er búinn að koma vélinni í lag og gengur hún fínt að hans sögn.  Þorvaldur kvaðst hugsa sér að nota bátinn í hvalaskoðun og sjóstöng þegar hann hafi gert hann sjófæran.

Upplýsingar:

Aba.is http://www.aba.is/Default.aspx?modID=1&id=44&vId=68

Sax.is http://www.sax.is/?gluggi=skip&id=1430

Viðtal við eiganda bátsins, Þorvald Jón Ottósson.

1430 Seaflower VE 8, í Hafnarfjarðarhöfn 21.06.2016

5501 Stefán EA 114

Smíðaður í Hrísey 1959.  Eik og fura.  2.39 brl. 16 ha. SABB vél.

Eigandi Þorsteinn Júlíusson og Axel Júlíusson, Hrísey, frá 12. Maí 1959.  Seldur 19. Júní 1965 Haraldi Jóhannssyni, Borgum Grímsey, sama nafn og númer.  Seldur í september 1970 Árna Sigurðssyni Húsavík, hét Stefán ÞH 151.  Seldur 10. September 1977 Tryggva Ingimarssyni, Hrísey, hét Stefán EA 57.  Seldur 1982 til Ólafsfjarðar og fékk einkennisstafina ÓF 57 en hélt enn Stefáns nafninu.   Seldur 1988 Helga Haraldsslyni, Grímsey.  Helgi endurgerði bátinn og gerði frambyggðan.  Báturinn heitir Elín Þóra EA 54 og er skráður í Grímsey 1997.  Árið 1998 keypti Stefán Björnsson, Hrísey bátinn og fékk hann þá aftur nafnið Stefán EA.  Frá árinu 1999 er báturinn skráður í Kópavogi undir nafninu Stefán KÓ en frá árinu 2003 heitir hann Stefán HU og með heimahöfn á Blönduósi 2013.

Árið 2003 var vélin endurnýjuð og í bátinn sett 42 ha. Status Marine.

Þann 09. Desember 2015 tók ég myndir af bátnum þar sem hann stóð innan girðingar úti á Granda.  Ef þið hafið meiri upplýsingar um þennan endilega sendið mér línu.

Heimildir:

Íslensk skip, bátar, bók 1, bls. 162, Stefán EA 114 5501.

Aba.is

5501 Stefán EA 114 innan girðingar úti á Granda, Reykjavík, 09.12.2015.

Þennan bát myndaði ég í Hafnarfjarðarhöfn þann 20. ágúst 2016.  Kannaðist ekki við að hafa séð hann áður en sá númer á bjarghringnum sem vísaði mér á að þetta væri Margrét Jóhannsdóttir ÓF 49.  Það sem ég veit um þennan bát er ekkert og því leitaði ég í Íslensk skip, bátar og á vef aba.is.  Ég held að einhver sé byrjaður að gera bátinn upp ég get mér þess til að sá hinn sami hafi sett á flot til að þétta bátinn.  Meira síðar..........

5334 Margrét HU 22 í Hafnarfjarðarhöfn 20. ágúst 2016.

Margrét Jóhannesdóttir ÓF-49.     ( 5334 )

Stærð: 3,50 brl. Smíðaár 1974. Fura og eik.  Súðbyrðingur með lúkarskappa. Afturbyggð trilla. 
Vél 22 ha. SABB.

Smíðaður fyrir Pál J. Guðmundsson, Ólafsfirði, sem átti bátinn frá 25.júlí 1974, en hann átti bátinn í tuttugu og þrjú ár en ekki allan tímann undir sama nafni, því að frá 19. desember 1990 hét hann Margrét ÓF-49. 
Páll seldi bátinn 06.maí 1997 Sigurði Ómari Jónssyni, Reykjavík.  Báturinn hét Margrét ÓF 49 og var hann gerður út af nýjum eigendum frá Ólafsfirði sem skemmtibát. 
Til Hvammstanga kom báturinn árið 1998 og fékk þar nafnið Margrét HU-22. 

Rétt er að geta þess að skrokk bátsins smíðaði Þorgrímur Hermannsson vestur á Hofsósi en þaðan var hann fluttur til Akureyrar á bátaverkstæði Birgis Þórhallssonar þar sem gengið var endanlega frá smíðinni og báturinn vélvæddur.

Nýir eigendur komu að bátnum 2008 og er ekki annað vitað en árið 2012 sé heimahöfn bátsins á Hvammstanga og nafn hans enn Margrét HU-22.

Upplýsingar

Aba.is http://www.aba.is/Default.aspx?modID=1&id=44&vId=101

Íslensk skip, bátar, bók 2, bls. 265, Margrét Jóhannsdóttir ÓF 49 5334.

5440 Blöndi ÞH 25

Smíðaður á Akureyri 1972.  Eik og fura.  3.06 brl. 8 ha. Petter vél.  Afturbyggður súðbyrðingur með lúkar.  Smíðanúmer 39.

Eigandi, Ingvar Baldursson og Haraldur M. Sigurðsson, Akureyri, frá 23. nóvember 1972, hét Höfrungur EA 303.  Báturinn var seldur 3. mars 1974 Jóhannesi Straumland, Húsavík, hét Höfrungur ÞH 22.  Seldur 1. apríl 1982, Þormóðir Kristjánssyni og Kristjáni Ásgeirssyni, Húsavík, hét Blöndi ÞH 25.  Frá 18. desember 1986 var Kristján einn skráður eigandi.  Seldur 16. október 1987, Sveini Ríkarðssyni og Ríkarði Ríkarðssyni, Húsavík.  Seldur 16. júní 1990 Halldóri Reimarssyni, Akureyri, hét Blöndi EA 596.  Seldur 6. mars 1991 Sigurði Óskarssyni og Kristni Arnbjörnssyni, Kópaskeri, hét Mardís ÞH 278.  Báturinn talinn ónýtur og tekinn af skrá 7. júlí 1995.

Upplýsingar:

Íslensk skip, bátar.  Bók 1, bls. 128-129, Höfrungur EA 303.

Aba.is, http://www.aba.is/Default.aspx?modID=1&id=44&vId=67

Blöndi ÞH 25 siglir út úr Húsavíkurhöfn.  Myndin tekin á tímabilinu 1987-1990. Ljósm. RikkiR

6677 Ingeborg EA 24 ex SI 60

Smíðaður á Siglufirði 1985.  Eik og fura.  4.66 brl. ( á öðrum stað er hann sagður vera 5,6 brl.)  52 ha. Mitsubishi vél.  Frambyggður opinn súðbyrðingur.

Bátinn smíðuðu þeir feðgar Jóni G. Björnssyni og Birni Jónssyni til eigin nota í svonefndum Ísfirðingabrakka á Siglufirði og áttu bátinn til ársins 2005, en þá er hann skráður á félagið Björn Jónsson ehf.

Eigandi Jón G. Björnsson og Björn Jónsson Siglufirði frá 27. ágúst 1985.  Báturinn er skráður á Siglufirði 1997.

Frá 2008 er báturinn skráður á Björn Má Björnsson og Lárus Hinriksson og var heimahöfnin Sandgerðisbót á Akureyri.

Frá árinu 2009 er Mummi ehf. Dalvík skráður eigandi bátsins sem hélt nafni sínu og einkennisstöfum allt fram á árið 2012 en þá fékk hann einkennisstafina EA-24 og eru þetta sömu einkennisstafir og aflaskipið Loftur Baldvinsson bar á sínum tíma.

Árið 2013 hét báturinn Ingeborg EA-24 með heimahöfn á Dalvík.
Árið 2014 keypti Gunnar Anton Jóhannsson bátinn ásamt sonum sínum hvers nöfn eru Gunnar Anton Njáll og Guðni Már. 
Hjá þeim feðgum fékk báturinn nafnið Petrea EA-24 og á hann sína heimahöfn á Hauganesi. 

Heimild. Björn Jónsson, Siglufirði. Siglingastofnun. Gunnar Anton Jóhannsson, Hauganesi.

Önnur nöfn: Ingeborg SI 60, Ingeborg Ea 24, Petrea EA 24.

Upplýsingar:  Íslensk skip, bátar.  Bók 3, bls. 196, Ingeborg SI 60.

Skipamyndir. http://skipamyndir.123.is/blog/yearmonth/2015/07/2/

aba.is.  http://www.aba.is/Default.aspx?modID=1&id=44&vId=214

Petrea EA 24 í Dalvíkurhöfn 06. ágúst 2013 

1109 Tjaldur II ÍS 430 ex Tjaldur II ÞH 294

Báturinn er smíðaður hjá Trésmiðju Austurlands hf, á Fáskrúðsfirði árið 1970, smíðanúmer 21.  Tré og fura.  15 brl. 90 ha. Kelvin dísel vél.  Teikning eftir Egil Þorfinnsson.

Eigandi Björgvin Helgason og Karl Sigurðsson Reykjavík, frá 1. júní 1970. Báturinn heitir Neisti RE 58.  Seldur 21. desember 1970 Guðmundi Jakobssyni, Ragnari Jakobssyni Bolungarvík og Jóel Stefánssyni Hnífsdal.  Báturinn heitir Neisti ÍS 218.  16. janúar 1973 seldi Jóel Stefánsson sinn hlut í bátnum þeim Guðmundi og Ragnari Jakobssonum.  Báturinn er skráður í Bolungarvík 1988.  Seldur til Patreksfjarðar, í kringum aldamótin, þar sem hann fékk nafnið Ásborg BA 84.  Árið 2009 n.t.t. 26.08. kom báturinn til Húsavíkur og var þá skráður í skipaskrá sem Tjaldur II ÞH 294 í eigu Stormur Seafood ehf.  Báturinn var svo seldur til Suðureyrar í maí 2015, heitir Tjaldur II ÍS 430.  Útgerðin heitir Snerla ehf.

Fyrri nöfn:  Neisti RE 58, Neisti ÍS 218, Ásborg BA 84, Tjaldur II ÞH 294 og núverandi Tjaldur II ÍS 430.

16.04.2016 tók ég aftur myndir af bátnum í Hafnarfjarðarhöfn en nú ber hann nafnið Saga ÍS 430.

Upplýsingar:     

Skipamyndir og skipafróðleikur Emils Páls

Skipamyndir Hafþórs Hreiðarssonar

Íslensk skip, bók 3, bls. 97, Neisti RE 58.

Tjaldur II ÍS 430 í Hafnarfjarðarhöfn 05. október 2015

1109 Saga ÍS 430, Hafnarfjarðarhöfn 16. apríl 2016