Teistan varð líka á vegi mínum.  Hér eru tvær myndir af teistum.  

Fyrri myndin finnst mér svolítið skemmtileg.  Sumum fuglaáhugamönnum finnst fugl sem er á flugi, eins og þessi teista ekki góð mynd.  Af hverju?  Jú, það er greinilegt að ég hef fælt hann upp sem þykir ekki gott.  Ég er nú ekki alltaf sammála þessum körlum sem segja þetta. 

Hvað finnst mér sjálfum um þessa mynd.  Mér finnst hún nokkuð góð vegna þess að hún er að fljúga burtu.  Þá finnst mér römmunin hafa tekist vel til, sem reyndar var heppni, en fuglinn er að fljúga út úr myndfletinum og þessi mynd segir nákvæmlega hvað er að gerast.  Fuglinn er að fljúga á brott þar sem ég var komin aðeins of nærri.  Eina sem ég get virkilega sett út á hana er að hún er ekki 100% skörp.  Litir og eitthvað það læt ég aðra um að dæma.

Teista.  Flatey 30. júní 2011


Teista.  Flatey 30. júní 2011

Tók "nokkrar" myndir í Flatey á Breiðafirði um daginn.  Þar á meðal varð þessi óðinshani á vegi mínum.  Hann er hér að eltast við flugur.  Það þykir ekki góð mynd af fugli ef sést aftan á hann.  Þessar myndir hins vegar sýna atferli hans að hluta til.  Það sem uppá vantar eru snúningurinn þegar hann hrærir upp botninn. 

Óðinshandi er einn þriggja "hana" sem hafa sést hér á landi og annar tveggja sem verpa hér á landi.  Hinir tveir eru þórshani sem er sjaldgæfur varpfugl hér á landi og svo freyshani sem er flækingsfugl. 

 

 
Óðinshani veiðir sér flugu til matar.  Flatey 30. júní 2011

Listaverk eru eins og listamennirnir skapa þau.  Hins vegar er ekkert sem segir að ef ég tek mynd af þeim þurfi ég að mynda það allt.  Hér eru tvö dæmi af verkum Ásmundar Sveinssonar.  Minnir að þau heit, Veðurathugun eða veðurathugunarmaðurinn og hitt sé Móðir mín í kví-kví.  Mig minnir það alla vegna.

Veðurathugun.  10. júlí 2011


Móðir mín í kví-kví.  10. júlí 2011

Þetta glæsilega skip, Statsraad Lehmkuhl, hefur verið í Reykjavíkurhöfn síðustu daga.  Ég smellti myndum af skipinu.

Statsraad Lehmkuhl í Reykjavíkurhöfn 09. júlí 2011


09. júlí 2011


09. júlí 2011


09. júlí 2011

Má til með að setja hér inn myndir af Elínu Hönnu og Elfu Dögg sem ég tók í garðinum við safn Ásmundar Sveinssonar.  Þær voru í stuði eins og sjá má á neðri myndinni. 

Elín Hanna í garðinum við safn Ásmundar Sveinssonar, 10. júlí 2011


Mæðgur í stuði, 10. júlí 2011


10. júlí 2011

Við fjölskyldan höfum haft það fyrir sið á síðustu árum að þegar auglýstir eru safnadagar, eins og voru í dag, þá förum við að kíkjum á einhver söfn.  Nú völdum við að fara á safn Ásmundar Sveinssonar og Einars Jónssonar.  Ég held að óhætt sé að segja að við höfðum mjög gaman af þessu.  Hef einu sinni áður komið í safn Einars Jónssonar en aldrei í safn Ásmundar Sveinssonar, ekki svo ég muni alla vegna.

Á safni Ásmundar fannst mér mest gaman að sjá skissurnar af verkunum hans og svo verkið sjálft hjá skissunum.  Sjá þróunina í verkinu á skissunum og svo endanlegu útgáfuna.  List Ásmundar svolítið gróf, þ.e. línur og hlutföll.

Á safni Einars mátti sjá slatta af málverkum hans og svo auðvitað höggmyndir.  Ævintýraveröld sem hann hefur málað og svo einnig búið til í verkum sínum.  Höggmyndirnar hans sýna mikil smáatriði og nákvæmni myndi ég segja.

Helsi munur á þessum mönnum, að mínu mati, er sá að verk Ásmundar eru grófari en Einars.  Á þessum tveimur myndum sem ég tók í dag er hægt að sjá hvað ég meina.  Ásmundur frekar grófur en Einar fínlegur og nákvæmur.  Hughrifin fannst mér eins þrátt fyrir muninn á verkunum.

Hluti af verki Ásmundar Sveinssonar.  Safnadagur 10. júlí 2011


Vernd, eitt af verkum Einars Jónssonar. Safnadagar 10. júlí 2011

Þráinn var smíðaður 1947 af Gesti Gíslasyni frá Hreggstöðum á Barðaströnd fyrir Steinþór Einarsson.  Gestur var yfirsmiðurinn yfir þessu verki og Steinþór honum til aðstoðar.  Báturinn var smíðaður í skemmu sem stóð bak við Klausturhóla í Flatey á Breiðafirði.  
Þráinn var tvö og hálft tonn að stærð með 5 hestafla Sleipner vél.

Hafsteinn sagði mér að Gestur hafi smíðað þrjá báta og Þráinn hafi verið síðastur þeirra og langbest smíðaði báturinn.  Þetta væri hörku sjóskip.

Haustið 1953 keypti Einar Steinþórsson bátinn af föður sínum.  Einar flutti svo Þráinn með sér í Stykkishólm 1954 þegar hann flutti þangað úr Flatey.
Á tímabilinu 1956 seldi Einar Þráinn vitaverðinum í Höskuldsey á Breiðafirði, Kjartani Eyþórssyni.
Einar kaupir Þráinn aftur af Kjartani 1959 en þá var búið að skipta um vél og nú var 7 ha. Volvo Penta dísel vél í bátnum.
Einar selur svo Hafsteini bónda Guðmundssyni í Flatey á Breiðafirði bátinn 1966 og Hafsteinn skiptir um nafn og kallar bátinn Búlka.
Þráinn/Búlki er enn til, 64 ára  gamall og mikið endurnýjaður að sögn Hafsteins.

Þegar ég skoðaði bátinn sá ég að búið var að lagfæra mikið í bátnum.  Þó mátti sjá að efsta umfarið var gamalt, hluti af öðru umfari og þá sýndist mér einnig hluti af þriðja umfari væru gamalt.  Þá var búið að skipta út böndum, stefni og kjöl.

1974 var sett í bátinn 10 ha. Sabb vél og 1985 var sett í hann ný 10 ha. Sabb vél.

Í ágúst 2011 var sett ný vél í bátinn, Volvo vél.  Vélin sem sést á miðju myndinni hér að neðan. 

Einar Steinþórsson við Búlka ex Þráinn, 30. júní 2011 í Flatey á Breiðafirði


Búlki ex Þráinn, 25. júní 2011


Þráinn, komið í land úr skarfafari.  Um borð talið frá vinstri, Þorvarður Kristjánsson Bræðraminni, Halli Bergmann Bentshúsi, Ólafur Steinþórsson, Steinþór Einarsson, Sigurbergur Bogason og Stirkár Sveinbjörnsson.

Fleiri myndir komnar inn frá Bátadögum 2011.  Smellið á mynd og þá er farið beint inní myndaalbúmið.  Hér eru þrjár myndir svona til gamans.

Rúna siglir seglum þöndum


Þytur siglir einnig seglum þöndum


Þytur, Bjargfýlingur og Gustur

Á ferðum mínum um landið kemur oft upp í hugan "Þetta er alger náttúruperla".  Ég held að ég sé svona ósköp venjulegur Íslendingur sem finnst landið fallegt og er stoltur af því.  Það er gaman að fara með vini sína og sýna þeim svæði sem þeir hafa aldrei séð áður og sjá hrifningu þeirra.
Svo er það hið gagnstæða.  Þau svæði sem við höfum eyðilagt og menn eru jafn hissa á að sjá þau svæði.  Við eigum ekki markar stjórar ár til að dást að og til eru þeir menn sem vilja virkja allar ár sem til eru á landinu, held ég að ég geti sagt.

Þjórsá er "sögð" vera lengsta áin á Íslandi, 230 km. löng.  Þjórsá hefur verið virkjuð og þeir vilja virkja meira.  En hvernig lítur Þjórsá út í dag á virkjunarsvæðinu.

Þjórsá þurr, 22. júní 2011

Svona lítur árfarvegur Þjórsár út í dag, þurr og hægt að ganga yfir hann á þurrum fótum.  Er þetta það sem við viljum.  En hvar er þá Þjórsáin sjálf.

Hér má sjá Þjórsána, 22. júní 2011

Þjórsána eins og hún lítur út í dag á miðsvæðinu, fyrir neðan Sultartangavirkjun.  Hún er leidd í "skipaskurði" í átt að Búrfellsvirkjun.  Eftir Búrfellsvirkjun er Þjórsá leidd aftur í sinn gamla farveg og við sjáum ána aftur í neðri hluta Þjórsár.

Þjórsá er lengsta áin, 230 km. löng.  Er hægt að segja þetta?  Áin rennur ekki nema að hluta til í sínum eigin farvegi.  Ef við virkjum meira þá verður Þjórsá kanski eins og punktalína - - - - -. 

Jája, nóg um áróður og snúum okkur að alvörunni.

Dagana19-23. júní vorum við, fjölskyldan, svo heppin að vinafólk okkar bauð okkur í sumarbústað til sín að Flúðum.  Þetta voru miklir leitidagar sem fóru í að njóta þessa að vera í bústaðnum, spila, heitur pottur, góður matur og bara njóta þess að vera í fríi. 
Oftar en ekki þá er maður þreyttari eftir að hafa verið í sumarfríi en í vinnu.  Af hverju, jú, maður er á þönum alla daga til að skoða eitthvað.  Ekki fórum við neitt fyrstu dagana, ekki fyrr en miðvikudaginn 22. júní. 
Við fórum öll saman og kíktum á Gjána í Þjórsjárdal.  Veður var frekar þungbúið, skýjað og nokkrir dropar féllu.  Við létum það ekki hafa áhrif á okkur og skoðuðum Stöng og síðan gengum við í Gjána.  Þegar þangað kom var ég eins og belja að voru, hljóp um allt og smellti af myndum.  Svo þegar ég hafði lokið mér af og kom aftur til hópsins þá var ég gjörsamlega búinn.  Í síðasta kaflanum áður en ég sameinaðist hópnum þurfti ég annaðhvort að príla talsvert eða fara sömu leið til baka, mér fannst það ekki hægt svo lét mig hafa það að príla.  Það gekk upp en ég var búinn á því.  Ég jafnaði mig nú þokkalega fljótt og við röltum til baka.  Þegar ég kom að bílnum var ég þreyttur en góður. 

Sveinbjörn og Katrín 22. júní 2011

Gjáin, 22. júní 2011


Við Gjána, 22. júní 2011


Séð frá sumarbústað á Flúðum kl. 01:52, 22. júní 2011

Ég er hneikslaður.  Ég ætla því að brjóta svolítið mína eigin reglu og segja hvað mér finnst um fréttafluttning hér á þessu skeri okkar.  Ég hef það fyrir reglu að reyna að vera ekki með nein leiðindi en núna verð ég.

Dagana 25. júní - 4. júlí hafa verið í gangi Special Olympics í Aþenu Grikklandi.  Þarna hafa krakkar frá Íslandi verið að keppa og staðið sig frábærlega.  Þau eru að koma heim í kvöld hlaðin verðlaunum.

  
Merki og lukkudýr leikanna

Það sem ég er hneikslaður yfir eru fréttir af þessari keppni.  Ég man eftir einni lítilli frétt um að hópurinn væri að fara á Special Olympics.  Ekkert annað.  Ég veit ekki hvað það er við fréttamenn á íslandi, blöð, sjónvarp, útvarp.  Af hverju ekki að fylgjast með þessum íþróttaviðburði eins og öllum öðrum?  Er það vegna þess að þessir krakkar eru fatlaðir?  Er fólk dregið í dilka?  Höfum það hugfast að það er sama í hvaða íþróttagrein er keppt, í þeim öllum eru menn að keppa við jafnoka sína. 

Síðast var það silfur í handbolta á ólympíuleikum og þeir fengu fálkaorðina fyrir. 
En hvernig er það með krakkana á Special Olympics.  Ég fann síðu með verðlaunin hjá Íslanska liðinu en ég veit að þetta er ekki allt, verðlaunin eru á þessa leið: 17 gull, 17 silfur, 22 brons - samtals 56 verðlaun.  Þess má geta að flest þessi verlaun eru fyrir einstaklingsgreinar.  Þá vann íslanska liðið silfur í sjö manna fótbolta, þau eru ekki í þessari tölu.
Nú bíð ég eftir því að allir þessir krakkar fái fálkaorðuna eins og handboltaliðið okkar sem vann silfur.  Af hverju ekki þessi hópur eins og þeir?

Hér á þessari slóð getiði séð alla keppendurna og verðalunin sem þeir fengu - http://www.athens2011.org/en/soi-results.asp
Hér getiði séð ljósmyndir frá Special Olympics 2011 - http://if.123.is/home/

Af hverju er ég að tuða þetta?  Jú, við þekkjum eina sunddrottninguna, Elsu Sigvaldadóttur.  Hún kemur heim með gull, silfur og tvö brons.  Frábær árangur hjá henni og við erum stolt að þekkja hana.  Við höfum aðeins fylgst með í gegnum heimasíðu Special lympics

Elsa stingur sér til sunds í Aþenu.  Mynd úr myndasafni Íþróttasamband fatlaðra.

Ekki meira í bili.  Vona að þið fyrirgefið þetta en mér fannst ég þurfa að koma þessu frá mér.  Þó fáir skoði þessa síðu mína þá er spurning hvort þetta vekur einhverja umræðu.

Eftir þetta sumarfrí sem ég hef verið í þá er úr miklu að moða og þarf ég að skoða vel á þriðja þúsund myndir.  Ég mun setja þær inn smátt og smátt.  Ég setti inn myndir hér að framan frá Bátadögum 2011.  Það eru ekki bara myndir af bátum í þessu fríi heldur tók ég myndir af öllu ef svo má segja.  Hér eru tvær myndir af teistu og óðinshana sem ég tók í Flatey á Breiðafirði.

Teista


Óðinshani

Hásetinn á Rúnu ÍS, Teddi, sendi mér þessar tvær myndir sem hann tók úr ferðinni.  Svo verður hægt að sjá ferðasögu Tedda á þessari slóð, http://blogg.visir.is/tengill/ fljótlega en ferðasagan er í smíðum.  Ég þakka Tedda fyrir lánið á myndunum.

Þytur siglir upp ölduskaflana.  Ljósmynd: Teddi


Gunnlaugur Valdimarsson einbeittur á svip.  Ljósmynd: Teddi

Kominn úr sumarfríi og nú er eitthvað efni sem ég hef til að setja inn.  Byrjum á Bátadögum 2011 sem haldnir eru þessa helgina, 2. - 3. júlí 2011.

Kom úr Flatey á Breiðafirði á föstudagskvöldið og var því staddur í Stykkishólmi þegar Bátadagar 2011 hófust.  Hópur báta, eða sex talsins lögðu af stað klukkan rúmlega 09:00 þann 02. júlí áleiðis í Rauðseyjar og Rúfeyjar.  Einn fylgdarbátur var með í hópnum.  Hér fyrir neðan má sjá alla bátana áður en þeir lögðu af stað í átt að Rauðseyjum og Rúfeyjum.  Öllum bátum siglt fyrir eigin vélarafli nema Farsæll sem er án vélar og var hann hafður í spotta aftan í Freydísi. 

Ef við skoðum þetta aðeins nánar þá var meiningin að sigla frá Stykkishólmi og Reykhólum og ætluðu hóparnir að mætast við Rúfeyjar og Rauðseyjar.  Eftir því sem ég heyrði þá voru menn við Reykhóla eitthvað efins en talsverður vindur og sjógangur var þar.  Smá vindur var í Stykkishólmi en spáin sagði að það myndi lægja og það varð raunin. Eftir að skipstjórarnir höfðu siglt nokkra hringi fyrir ljósmyndarana sem voru á staðnum sigldu þeir af stað til R-R-eyjanna um klukkan 09:15.

Ég ætla að reyna að segja hverjir hafi verið í áhöfn bátanna að einhverju leiti.
Rúna ÍS, þar var skipstjóri Gunnlaugur Valdimarsson og háseti var Gunnar Th. eða Teddi eins og margir þekkja hann.  Teddi er ekki óvanur en hann er skipstjóri og eigandi á Stakkanesinu.
Þytur, skipstjóri og eigandi bátsins er Þórarinn Sighvatsson.
Farsæll, þar var engin skipstjóri.  Eigandi Farsæls er Þórarinn Sighvatsson en það var Gunnlaugur Valdimarsson sem smóðaði Farsæl þegar hann var um 19. ára gamall.  Það var Þórarinn sem hafði Farsæl í togi.
Bjargfýlingur, þar voru tveir í áhöfn en báðir munu þeir heita Ólafur Gíslason.  Ég get alla vegna sagt að skipstjórinn hafi heitið Ólafur Gíslason.  Bjargfýlingur hafði gúmmíbát í togi.
Freydís SH, skipstjóri Þórður Sighvatsson.  Aftan í Freydísi var Farsæll.
Gustur SH, þar voru m.a. í áhöfn Sigurður Bergsveinsson, Guðlaugur Þór Pálsson, Freyja Bergsveinsdóttir og fleiri.  Aftan í Gusti hékk svo léttabátur.

Fæ vonandi upplýsingar um hverjir hafi svo komið frá Reykhólum og mun þá bæta því inní.

Rúna ÍS


Þytur


Farsæll


Bjargfýlingur


Freydís SH


Gustur SH


Hópurinn lagður af stað.


Fleygur fylgdi hópnum.