Á ferð minni í Stykkishólm og Flatey þá urðu einhverjir bátar á vegi mínum og smellti ég af nokkrum römmum.  Í Flatey sá ég Lóminn, en mér finnst hann ekki sá fallegasti.  Í Stykkishólmi hins vegar fann ég bát sem mér finnst sá fallegasti á landinu í dag, það er hann Valtýr.  Það eru örugglega skiptar skoðanir á því hvað er fallegur bátur og hvað ekki en þetta er mín skoðun.  Hér eru þrír misfallegir.  Fleiri myndir í albúmi.

7627 Lómur, ekki sá fallegasti.  Flatey á Breiðafirði 18. júní 2009


"Víkingaskútan" Valtýr, að mínu mati fallegasti bátur á landinu.  Stykkishólmur 19. júní 2009


1426. Guðmundur Jensson SH 717.  Stykkishólmur 19. júní 2009

Þann 19. júní 2009 tók ég þessar myndir af stýrishúsi sem stendur við Læknishúsið í Flatey á Breiðafirði.  Ég fékk þær upplýsingar frá Einari Steinþórssyni tengdaföður mínum að þetta stýrishús væri af flóabátnum Konráði BA 152.  Þess má geta að Einar var vélstjóri á Konráði. Ég ræddi líka við Hafstein Guðmundsson bónda í Flatey sem sagði mér að þetta stýrishús hafi verið byggt á Konráð fyrir stríð, en væri ekki upprunalega stýrishúsið. 

Í frásögn Ólafs Ásgeirs Steinþórssonar (smella á heiti greinarinnar), "Brot af sögu flóabátsins Konráðs BA-152", sem birt var í Morgunblaðinu fimmtudaginn 28. mars 2002 dró ég saman eftirfarandi upplýsingar:  15. mars 1927 var stofnað hlutafélag um útgerð flóabáts sem þjóna skyldi byggðum við norðanverðan Breiðafjörð, þetta hlutafélag hlaut nafnið Norðri hf. Menn höfðu augastað á 19. tonna eikarbát, nýsmíði sem stóð óseldur vestur á Þingeyri.  Gengið var frá kaupunum og var ásett verð rúmar átján þúsund krónur.  Báturinn fékk nafnið Konráð BA-152.
Í þessari frásögn Ólafs má m.a. lesa um svaðilför sem skipverjar lentu í.

Í Íslensk skip eftir Jón Björnsson segir um Konráð BA 152 (639):  Smíðaður á Bíldudal 1926 úr eik og furu.  18 brl. að stærð með 45 hestafla Delta aðalvél.  Eigandi Norðri hf. í Flatey á Breiðafirði frá 18. maí 1927.  1935 var sett í bátinn 50 hestafla Scandia vél.  1948 var skipt um vél aftur og þá var það 66 hestafla Kelvin vél sem var svo skipt úr fyrir samskonar vél 1956.  Báturinn talinn ónýtur og tekinn af skrá 23. nóvember 1965.

Hér má sjá ljósmynd af Konráð BA-152 sem er í grein Ólafs Ásgeirs Steinþórssonar.  Þarna gæti verið um upprunalega stýrishúsið að ræða því það virðist minna en það sem er á myndunum mínum. 

Konráð BA 152 í Hafnarsundi við Flatey

Stýrishúsið af Konráði BA-152 og Snæfellsjökull í baksýn.  Flatey á Breiðafirði 19. júní 2009


Stýrishúsið af Konráði BA-152.  Flatey á Breiðafirði 19. júní 2009

Hér er mynd af einum af svokölluðum Landsmiðjubátum frá árinu 1947 en hann er í Flatey á Breiðafirði.  Krakkarnir sem koma reglulega í Flatey kalla þennan bát draugaskipið eða sjóræningjaskipið.  Ég ræddi við Hafstein Guðmundsson bónda í Flatey og sagði hann þennan bát smíðaðan eftir orginal teikningum svonefndra Landsmiðjubáta en þeim hafi síðar verið breytt þannig að þeir hafi verið gerðir grynnri.  Þá sagði Hafsteinn að Konni Júl. hafi átt þennan bát og hafi hann líklega notað hann til að veiða háhyrninga fyrir söfn. Síðast hét þessi bátur Gísli Magnússon SH 101 árið 1972.  Talinn ónýtur og úreltur 13. maí 1976.  Þessi bátur hefur borið eftirfarandi nöfn:  Vörður TH4, Vörður ÞH4, Guðfinnur Guðmundsson VE 445 og Gísli Magnússon SH 101.  

Gísli Magnússon SH 101.  Flatey á Breiðafirði 17. júní 2009


Gísli Magnússon SH 101.  Flatey á Breiðafirði 17. júní 2009


Gísli Magnússon SH 101.  Flatey á Breiðafirði 18. júní 2009


Gísli Magnússon SH 101.  Flatey á Breiðafirði 18. júní 2009

Það er ýmislegt sem fólkið í Flatey þarf að huga að. Hér eru nokkrar myndir sem sýnir fólk að störfum.

Bjarni í Bergi við slátt.


Skipt um ruslapoka við Millustaði.


Katrín í Bogabúð með rabbarbara í pæ.


Guðmundur í Vogi lagar þakrennuna á Vogi.


Þeir eru ekki háir í loftinu þegar þeir byrja að "laga".

Þið fyrirgefið þessa enskuslettu í fyrirsögninni en mér datt þetta í hug þegar ég varð vitni af því þegar kría settist á hausinn á kind sem var rétt við hreiðrið hennar.  Ég hafði horft uppá kríuna reyna hvað hún gat til að hrekja kindina í burtur en án árangurs. 

Krían að reyna hvað hún getur til að hrekja kindina frá hreiðrinu.


If you can´t beat them, join them.

Bætti inn talsvert mörgum myndum í Flateyjarmöppuna.  Hér má sjá þrjár myndir úr því safni.   Á fyrstu myndinni má sjá bókhlöðuna eða bókasafnið, sem var fyrsta bókasafn sem reist var á Íslandi.  Undanfarinn mánuð hefur verið mikið um þistilfiðrildi sem sjá má á annarri myndinni.  Þistilfiðrildi hafa sést um allt land og þann 18. júní sá ég eitt þeirra í Flatey og náði þessari mynd af því.  Þistilfiðrildi koma hingað til lands frá suður-Evrópu, sjá nánar hér.  Þriðja og síðasta myndin er svo af grásleppuhjalli.  Það þarf ekki alltaf nýjustu vélar til að framleiða lúxusmatvæli.

Bókhlaðan í Flatey 18. júní 2009


Þistilfiðrildi var í Flatey 18. júní 2009


Eðalmatvæli í vinnslu, 18. júní 2009

Ættarmót niðja Jóhönnu Stefánsdóttur og Steinþórs Einarssonar var haldið í gamla íþróttahúsinu í Stykkishólmi þann 20. júní 2009.  Held ég geti sagt að þarna hafi allir haft gaman af að hitta ættingja og vini.  Farið var í Stykkishólmskirkju en á altarinu eru kertastjakar sem börn þeirra og fjölskyldur gáfu þegar kirkjan var vígð þann 06. maí 1990.  Þá var farið í kirkjugarðinn og þar settur krans á leiði þeirra hjóna og kveikt á kerti.  Að því loknu fóru þeir sem vildu að Tangargötu 1 en þar bjuggu þau hjónin.  Til ykkar tengdafólk mitt og öll viðhengi þeirra, takk fyrir mig og mínar.  Myndir frá ættarmótinu eru í albúmi.  Myndirnar teknar 20. júní 2009.

Annar kertastjakinn á altarinu í Stykkishólmskirkju.  Á plötunni stendur: STYKKISHÓLMSKIRKJA 6. maí 1990.  Í minningu hjónanna Jóhönnu Stefánsdóttur og Steinþórs Einarssonar frá Bjarneyjum.  Börn og fjölskyldur.

Leiði þeirra Jóhönnu og Steinþórs í Stykkishólmskirkjugarði.

Tangargata 1, Stykkishólmi.  Þarna bjuggu Jóhanna og Steinþór.

Held áfram að setja inn myndir frá Flatey.  Ýmsar uppákomur eru haldnar í Flatey.  Þann 12. júní hélt Lúðrasveit Vesturbæjarskóla og Miðbæjarskóla tónleika í Félagsheimilinu.  Sveitin lék ýmis þekkt lög m.a. Mission Impossible, James Bond og ættjarðarlög þar sem áhorfendur voru beðnir um að syngja með.  Þessir tónleikar voru frábærir.

Ferming var haldin í Flateyjarkirkju þann 13.06.2009.  Dagný Rún Þorgrímsdóttir fermdist og var safnað saman í kirkjukór með þeim sem voru í Flatey.  Þess má geta að fjórir aðilar sem tengjast mér voru í þessum kór, tengdamamma, tengdapappi, konan mín og dóttir.  Eftir því sem ég kemst næst þá gekk þetta vel fyrir sig og kórinn kom vel út.

Á hverju ári eru menn á vegum Náttúrufræðistofnunar við rannsóknir í Flatey.  Þeir fylgjast með öllu fuglalífinu í eyjunum.  Helsta verkefni þessa hóps er þó að fylgjast með hrossagauknum.  Ég rölti með þeim og tók myndir en þeir ætluðu að skoða stokkandarhreiður.  Þeir náðu kollunni og merktu.  Þarf að skoða það ef þeir eru enn í eynni þegar ég kem að fara með þeim í eina rannsóknarferð.

Miklar framkvæmdir eru framundan í Flatey en það á að fara að laga veginn frá bryggjunni og inn í þorp.  Þetta er mikil framkvæmd og kemur ferjan Baldur þar mikið við sögu því hún hafa flutt allt efni út í Flatey.

Ungir krakkar setja gjarnan upp sölubása og selja skeljar, steina, glerbrot o.fl. dót sem þau finna í fjörunni.  Salan gengur svona misvel en allir selja þó eitthvað held ég.

Hér eru nokkrar "fréttamyndir" úr Flatey.

Lúðrasveit Vesturbæjarskóla og Miðbæjarskóla.  Flatey á Breiðafirði 12. júní 2009


Dagný Rún fyrir miðri mynd brýtur saman kirkjudagskrána. 
Flatey á Breiðafirðir 12. júní 2009


Rannsóknarvinna.  Flatey á Breiðafirði 12. júní 2009


Á þessari mynd af bryggjunni og frystihúsinu sjást allir pokarnir sem búið er að flytja út í Flatey. 
Flatey á Breiðafirði 11. júní 2009.


Ungir sölumenn í Flatey, 13. júní 2009

Eins og ég sagði áðan þá hef ég verið staddur út í Flatey á Breiðafirði sem er alger paradís.  Hef tekið mikið af myndum af húsunum o.fl.  Nú byrjaði ég að taka myndir af hurðum í Flatey, skiltum í Flatey og svona má lengi halda áfram.  Hér má sjá nokkrar myndir en ég bætti 140 myndum inn í Flateyjaralbúmið og þær eiga líklega eftir að verða fleiri því ég er á leið aftur út í Flatey.

Bentshús. Flatey á Breiðafirði 12. júní 2009


Alheimur.  Flatey á Breiðafirði 12. júní 2009


Einarshús.  Flatey á Breiðafirði 12. júní 2009


Fjárhúsin þeirra Hafsteins og Línu.  Flatey á Breiðafirði 12. júní 2009

Var í Flatey á Breiðafirði og er á leiðinni þangað aftur.  Alltaf þegar ég er í Flatey þá mynda ég eitthvað smávegis af fuglum.  Ég get upplýst það hér að ég eltist sérstaklega við að ná myndum af kríunni.  Þá náði ég reyndar myndum af ýmsum öðrum tegundum, talsvert hefur því bæst við að myndum í fuglaalbúmið.  Hér fyrir neðan eru þrjár myndir af kríu og ein af hrossagauk.

Kría að setjast á hreiður.  Flatey á Breiðafirði 12. júní 2009


Kría lætur heyra í sér.  Flatey á Breiðafirði 13. júní 2009.


Kría fylgist með ljósmyndaranum.  Flatey á Breiðafirði 13. júní 2009.


Hrossagaukur í Flatey á Breiðafirði 12. júní 2009.

Hér eru tvær myndir þar sem sjá má í þessi þrjú hús, Hallanda, Hliðskjálf og Móberg.  Á fyrstu myndinni má sjá Hallanda, Hliðskjálf og Móberg, þá sér í Dvergastein ofan við Hallanda.  Skúrarnir þarna á myndinni, talið frá vinstri, Sören Einars átti fyrsta skúrinn, næst kemur skúr sem var í eigu útgerðarinnar Andvara.  Í bilinu milli þessara skúra var skúr sem kveikt var í en ekki man ég hver átti hann.  Lengjan sem þarna sést var skipt upp í þrjú bil, Geir í Móbergi átti tvö bil og var þar með kindur og Hjalli T var með eitt bil þar sem hann beitti m.a.  Hin myndin er nýrri og sjá má miklar breytingar þarna neðan við bakkann.

Hallandi, Hliðskjálf og Móberg.  Myndin tekin 1980+.


Hallandi, Hliðskjálf og Móberg.  Mikill gróður kominn þarna.  15.09.2007

Í október 2008 setti ég hér inn þrjár myndir af sama myndefni.  Hér kom þrjár myndir af Húsavíkurfjalli.  Þetta litla fjall okkar Húsvíkinga spannar litaflóruna nokkuð vel, allt frá því að vera brúnt síðan grænt og jafnvel blátt, að endingu verður það svo hvítt af snjó.  Ég mun halda áfram að setja inn svona þrennur í þessum dúr.

Húsavíkurfjall, tekin norðan við Lyngbrekku, 17. september 2007


Húsavíkufjall, tekin í Skrúðgarðinum við Búðarána, 10. júlí 2008


Húsavíkurfjall, tekin frá Saltvíkurfjöru, 30. maí 2009

Þann 24. maí s.l. skrapp ég og tók nokkrar myndir.  Hér má sjá tvær úr þeirri ferð.  Þarna má sjá Hvassafellið á leið til hafnar með fjöldann allan af gámum merktum Hyundai.  Þessi mynd var tekin út á Seltjarnarnesi rétt við Gróttu.  Ég vildi samt að myndin væri þannig að það væri eins og skipið væri úti á regin hafi þó sjá megi í fjöllin þarna á bakvið.  Held að skipstjórinn sé ekki enn farinn að slá af þarna.  Hin myndin er tekin í Hafnarfjarðarhöfn og sýnir Sjóla HF 1.  Skipstjórinn var búinn að fara einn hring um höfnina í rólegheitum og svo tók hann stefnuna út úr höfninni og setti á fulla ferð.  Fleiri myndir í möppu.

Hvassafell á fullri ferð.  24.05.2009.


2649.  Sjóli HF 1 í Hafnarfjarðarhöfn 24.05.2009.


993.  Náttfari.  Skjálfandi 30.05.2009

Hvítasunnuhelgina 29. maí - 01. júní fór fjölskyldan á Húsavík.  Eitthvað af myndum er komið inn í Húsavíkurmöppuna.  Ég gerði meðal annars heiðarlega tilraun til að ná mynd af mývargi eins og þið getið séð.  Hér má sjá smá úrval af myndum en fleiri eru í möppunni Húsavík og nágrenni. 

Húsavíkurhöfn 30. maí 2009


Mývargur við Búðarána 31. maí 2009.


Elín Hanna við Búðarána 31.maí 2009


Sólsetur við Skjálfanda 01.06.2009

Rakst á þessa maríuerli í hesthúsahverfinu á Húsavík 30. maí 2009.  Þetta var Hvítasunnubaðið hennar og ég er ekki frá því að hún sé eitthvað hreinni eftir allan þennan gusugang.  Er að vinna í myndum frá Húsavíkurferðinni en einhverjar myndir eru þó komnar inn og þið gætuð fundið þær í hinum ýmsu möppum en ég á eftir að setja myndir hér á forsíðuna og vísa á myndirnar en endilega kíkið eftir þessu.

Maríuerla í Hvítasunnubaðinu við Traðagerði á Húsavík, 30.05.2009