|
Ljósmyndasíða Rikka Fuglar, gamlir bátar, mannlíf, íslensk náttúra eins og ég sé hana |
|
07.05.2010 07:52Elsku frænkaElsku besta frænka mín. Mér er það ljúft og skilt að láta þig fá smá fréttir af litlu fjölskyldunni minni. Ég hélt að allar myndirnar hér sýndu að alla vegna ég væri á ferðinni, en áhugasvið þitt nær ekki til báta og verbúða. Eins og þú veist þá tek ég myndir af öllu og set inn á síðuna mína. Þar er auðveldast að mynda hús því þau eru alltaf á sama stað, bátar eru margir hverjir í höfnum landsins en fjölskyldan mína er ekki alltaf á sama stað. Stelpurnar mínar eru svipaðar fuglum að því leiti að þær eru svolítið á ferðinni. Við feðginin höfum aðeins verið að bursta rykið af reiðfákunum okkar. Í fyrstu ferðinni hjóluðum við niður að Hafnarfjarðarhöfn. Eitt stopp var gert áður en að höfninni kom, til að mynda Rósina (sjá blogg hér að neðan:-)). Hér er Elín Hanna að bíða eftir karli föður sínum. Hún lætur fara vel um sig og hallar sér að þessum steini sem gæti hafa verið settur þarna til að halla sér uppað. Annars er allt gott að frétta af "litlu fjölskyldunni", allir hressir. Annars er nóg að gera, sérstaklega hjá Elínu Hönnu. Hún er á fullu í fiðlunni, tók grunnpróf um daginn, útskrifast úr fjórðu bók í dag, þá er stutt síðan hún var að spila með Sinfoníuhljómsveit Íslands í heila viku. Þá eru að auki öll prófin núna í skólanum. Svo þú sérð kæra frænka að nóg er að gera hjá þeirri litlu. Á neðri myndinni sérðu EHR í upphafi fiðlunámsins. Þá var engin fiðla en það var búin til ein úr reglustiku og hrísgrjónakassa. Þetta var til að læra réttu stöðuna. Síðan þetta var hefur mikið hraun runnið eitthvert og heilu fjöllin fokið á haf út. Við gamla settið höfum það gott. Segja má að við lifum ennþá á ferðinni góðu og munum gera það um ókomna tíð. Við biðjum að heilsa öllum sem vilja þekkja okkur þarna á norðulandinu Brói............langbesti frændi:-) E.s. Vona að þetta komi aðeins inná þitt áhugasvið Magga mín. Þarf að skoða gamlar myndir en þar sem ég hef ekki leyfi til að setja inn myndir úr því góða albúmi nema þá af mér sjálfum þá er ekki mikið um myndir. Kanski finn ég einhverjar. Mundu svo Magga mín að það er bannað að blóta þegar þú svarar mér í athugasemdum.........bara vera með hlý og falleg orð í minn garð. hahaha.
Skrifað af Rikki R. 01.05.2010 01:24Verbúðir í HafnarfirðiHef lengi ætlað mér að taka myndir af verbúðunum við Hvaleyrina en aldrei látið verða af því fyrr en þann 25. apríl s.l. Byrtan var ekki alveg eins go ég hefði viljað en ég set eina hér inn svona til að setja eittvað. Fleiri inni í albúmi merktu Stór-Hafnarfjarðarsvæðið.
Skrifað af Rikki R. 01.05.2010 01:0328. apríl 2010Ég skrapp einn bátarúnt þann 28. apríl 2010 og kíkti m.a. á Reykjavíkurhöfn og Snarfarahöfnina. Margt var að gerast í Reykjavíkurhöfn, bátar að koma og fara. Þá voru menn að gera báta klára og á fyrstu myndinni hér að neðan er verið að gera Lunda klárann. Ef menn ná að stækka myndina þá má sjá manninn fremst á Lunda missa hníf sem hann var að vinna með og hnífurinn er í lausu lofti, ber í mastrið. Í höfn Snarfara mátti sjá menn vera að gera klárt. Einn var að keyra upp mótorinn og athuga hvernig hann gengi. Þá veitti ég því athygli að "snekkjurnar" eru margar komnar á flot. Setti slatta af myndum inní albúm, Skip og bátar 2010.
Skrifað af Rikki R. 26.04.2010 23:30Hafnarfjarðarhöfn 25. apríl 2010Kíkti á Hafnarfjarðarhöfnina þann 25. apríl 2010. Þar voru menn að ditta að bátum sínum fyrir sumarið eins og venjulega. Guðrún BA 127 sigldi úr höfn, hvert veit ég ekki! Gæti verið heimahöfnin Tálknafjörður. Fleiri myndir í albúminu: Skip og bátar 2010.
Skrifað af Rikki R. 25.04.2010 00:382761 RósinRak augun í að 2761 Rósin er komin á flot. Tók þessar myndir af Rósinni í Hafnarfjarðarhöfn þann 24. apríl 2010. Þessi er ætlaður í túristaveiðar. Vonandi gengur þeim allt í haginn með þær veiðar. Grétar Þór var búinn að fjalla um þennan á meðan hann var í smíðum sjá hér http://gretars.123.is/blog/record/442150/ Rósin er alla vegna komin á flot og lítur bara vel út.
Skrifað af Rikki R. 22.04.2010 22:28HeiðlóaEltist aðeins við heiðlóurnar á Hlíðsnesinu. Það gekk ekki vel en tókst samt sæmilega. Setti nokkrar myndir inn í albúm Heiðlóa.
Skrifað af Rikki R. 22.04.2010 22:20SumarþvotturÉg rakst á þennan blika vera að sinna vorverkunum í Hafnarfjarðarhöfn eins og allir sjómennirnir. Náði þokkalegri seríu á honum og má sjá hana í albúmi Æðarfugl.
Skrifað af Rikki R. 21.04.2010 18:47Nú var það blátt!Fór niður á Reykjavíkurhöfn og smellti nokkrum myndum. Flestir bátarnir sem ég sá voru bláir. Sýnist Sighvatur vera nýskveraður og þá var Leynir að gera sig kláran til að hjálpa Wilson ?eitthvað úr höfn. Fleiri myndir í albúmi.
Skrifað af Rikki R. 21.04.2010 18:41Gert klárt í HafnarfjarðarhöfnEnn set ég inn myndir af bátum sem verið er að gera klára fyrir sumarið. Í dag, 21. apríl var búið að mála Hafstein og Grímur var kominn á flot og á sinn stað í höfninni.
Skrifað af Rikki R. 18.04.2010 12:21Fuglar + aska = ?Fýllinn er góðvinur sjómannsins og spurning hvernig fýlnum muni reiða af í þessu öskufalli. Fýllinn var sestur upp á nokkrum stöðum og spurning hvort þetta hefur áhrif á það. Þá spurning hvort þetta hefur einhver áhrif til lengri tíma litið? Margar spurningar vakna þegar áhugamálið er annars vegar. Þið sem ekki þekkið mig þá er fuglaljósmyndun eitt af aðaláhugamálum mínum. Þá er ein spurning sem vaknar hjá mér, eru einhverjir bátar á veiðum þar sem öskufall er?
Skrifað af Rikki R. 18.04.2010 01:05Eldgos + fuglar = ?Sumarið að koma og fuglarnir líka. Heiðlóan er komin til landsins ásamt mörgum öðrum fuglategundum. Nú velta menn því fyrir sér hvað verður um þessa fugla sem lenda í öskunni. Menn hafa verið að ræða þetta sín á milli og sýnist sitt hverjum. Sumir vilja halda því fram að það verði allt í lagi með fuglana. Enn aðrir vilja sjá einhverjar rannsóknir og talningar sem gætu hjálpað til við að meta ástandið. Vonum það besta, að þetta hafi ekki áhrif á fuglalíf á Íslandi nóg hefur fækkun ýmissa fuglastofna verið þó þetta bætist nú ekki við. Er eitthvað hægt að gera?
Skrifað af Rikki R. 18.04.2010 01:021610 Ísleifur VE 631610 Ísleifur VE 63. Smíði nr. 28 hjá Skála Skipasmíðju í Skála Færeyjum 1976. Kom til landsins 1981, lengdur 1981 og skutlengdur 1998. Vél. Wartsila.
Skrifað af Rikki R. 16.04.2010 23:451868 Helga María AK 161868 Helga maría AK 16 var smíðaður í Flekkefjord í Noregi 1988. Hét fyrst Haraldur Kristjánsson HF 2.
Skrifað af Rikki R. 16.04.2010 23:282154 Mars RE 2052154 Mars RE 205 var smíðaður í Frederikhavn 1980. Önnur nöfn: Natseq, Árbakur EA 5, Árbakur EA 308, Árbakur RE 205 og nú Mars RE 205.
Skrifað af Rikki R. 15.04.2010 10:09Hrefna skiptir um útlitÉg tók eftir að hún Hrefna blessunin hefur tekið ákvörðun um að fara í litun. Losna við ljóskulitinn og fá sér dökkt skol. Eins og þið sjáið á þessum myndum þá er verið að mála Hrefnu dökkbláa. Verkinu er ekki lokið en mig langaði til að sýna ykkur breytingarnar. Nú er spurningin hvort dökkt fari henni betur en ljóst?
Skrifað af Rikki R. |
Málsháttur dagsins Svo flýgur hver fugl sem hann er fiðraður !clockhere Rikki R Nafn: Ríkarður RíkarðssonFarsími: 862 0591Tölvupóstfang: rikkirikka@gmail.comAfmælisdagur: 24. septemberHeimilisfang: Breiðvangi 3, 220 HafnarfjörðurStaðsetning: HafnarfjörðurHeimasími: 565 5191Um: Fæddur á Húsavík á því herrans ári 1961 og hef tekið ljósmyndir frá því ég var strákur. Aðaláhugamálið er að taka myndir af fuglum en þó mynda ég allt sem mig langar til að mynda eins og sjá má.Eldra efni
Tenglar
 |
