Kíkti á bryggjuna og tók einhverjar myndir m.a. þessar tvær hér.  Mars og Hvalur 8 og 9.  Birtan var ekki sérlega hagstæð.  Fleiri myndir í albúmi.

2154 Mars RE 205 í Reykjavíkurhöfn 20. júní 2010


Hvalur 8 og 9 í Reykjavíkurhöfn 20. júní 2010

Gleðilega þjóðhátíð

17. júní 2005

Hér eru fleiri myndir frá sjómannadeginum í Hafnarfirði.  Bætti inn nokkrum myndum í sjómannadagsalbúmið. 

Lögreglan kíkti á svæðið á fákum sínum.


Árni, Geir og Katrín við höfnina.


Kassaklifur var meðal skemmtiatriða.


Gæslan var með smá sýningu.

Hvað nú?  Já, það er nú von að fólk spurji.  Hér eru tvær myndir teknar við sjóinn.  Reyndi að taka aðeins öðruvísi myndir við höfnina.  Hvort það hefur tekist er nú ykkar að dæma en ekki mitt.  Ég er þó tiltölulega sáttur við þessar tvær myndir.

Bryggjukantur í Keflavík 09. maí 2010

Belgur í Hafnarfjarðarhöfn 11. júní 2010

Ég kíkti út á Hlíðsnes og veitti athygli að sumar fuglategundir eru komnar með unga.  Sá æðarfugl með nokkra unga og þá rakst ég á þennan stelksunga á hlaupum.  Sá kríuegg en ekki sá ég neina unga hjá kríunni, ekki ennþá.   

Stelksungi á hlaupum, Hlíðsnes 11. júní 2010


Kría.  Hlíðsnes 11. júní 2010

Fleiri bátar voru í Hafnarfjarðarhöfn heldur en MSC Poesia.  Valþór var þarna, Hafdís líka og fleiri en myndir eru inní skip og bátar 2010.  Ef vel er gáð þá má sjá ungan veiðimann við hlið Valþórs.  Ég kíkti á veiðimanninn, eða réttara sagt veiðistúlkuna og afi hennar var með henni til að kenna henni réttu handtökinn.  Þekkti afann, skrítinn karl.

Valþór NS 123.  Hafnarfjarðarhöfn 11. júní 2010


2400 Hafdís GK118.  Hafnarfjarðarhöfn 11. júní 2010

Stærsta farþegaskip sem komið hefur til Hafnarfjarðar var við bryggju í gær, 11. júní 2010.  MSC Poesia, 93.000 tonn, 300 metra langt, 11 hæðir, í áhöfn eru 960 manns og tekur mest 3013 farþega.  Farþegafjöldi var um 2.400 manns.  Meira um þessa heimsókn má lesa á vef Hafnarfjarðar, hér er slóðin beint á fréttina http://hafnarfjordur.is/hafnarfjordur/nanar_forsidu/?cat_id=3&ew_0_a_id=10530 

MSC Poesia í Hafnarfjarðarhöfn 11. júní 2010

Kíktum á sjómannadaginn í Hafnarfirði 06. júní 2010.  Margt var um manninn og mikið að gerast. Ég mun setja fleiri myndir inn síðar.  Mig langar hins vegar að setja hér inn myndir af því sem við sáum á Læknum í Hafnarfirði.  Þar var hægleiksmaðurinn Erling Markús að sýna módelbáta sem hann hefur smíðað og sigldi þeim á Læknum.  Ýmsir fengu að grípa í að sigla bátunum m.a. Elín Hanna og fórst henni það vel úr hendi.  Bátarnir eru frábær smíði.  Erling Markús var þarna með fjögur módel.  Þrjú þeirra voru á floti en einn á "kajanum".  Fleiri myndir má sjá í myndaalbúmi Sjómannadagurinn í Hafnarfirði 2010.

Erling Markús stjórnar einum bátnum.


Darri EM 12 siglir framhjá bauju.


Ljósfari M 11


Elín Hanna siglir Darra EM 12

Sjómenn, til hamingju með daginn.

Í Húsavíkurhöfn.


Í Grýluvogi, Flatey á Breiðafirði.


Í Stykkishólmi, ekki alltaf logn.

Hef alltaf jafn gaman að taka myndir af bátunum í Hafnarfjarðarhöfn.  Sérstaklega ef birtan er góð þá tek ég gjarnan svona myndir þar sem er ein hrúga af bátum, eitt allsherjar kraðak.  Nog var af bátunum í höfninni þennan sólríka dag.  Svo fer ég út í að taka myndir af einum eða tveimur bátum saman.

Hafnarfjarðarhöfn 30. maí 2010


7402 Blíðfari HF 74.  Hafnarfjarðarhöfn 30. maí 2010

Fyrst ég nefndi hafnirnar í síðasta bloggi þá er ekki úr vegi að setja hér inn báta.  Hvalveiðibátar eru af öllum stærðum og gerðum og misvel málaðir eins og sjá má hér að neðan.  Ég ætla að leyfa mér að segja að eigendur Hrafnreyðar eigi bara eftir að klára að mála bátinn og þeir séu að klára það núna.  Trúi ekki að þeir ætli að hafa bátinn svona.

1850 Hafsteinn SK 3.  Hafnarfjarðarhöfn 30. maí 2010

1324 Hrafnreyður KO-100 á leið inn til Kópavogshafnar 30. maí 2010

Við feðginin förum stundum í hjólatúra og þá er höfnin í þægilegri fjarlægð.  Ég hef gömlu myndavélina yfirleitt meðferðis og stoppa annað slagði ef ég sé eitthvað markvert.  Til stór-frænku minnar á Húsavík langar mig að segja að það er baksvipur með ykkur frænkunum:-)  Nú styttist í skólaslitin hjá Elínu Hönnu og er þá sjötti bekkur á enda.  Við foreldrarnir eru mjög stolt af hvernig henni hefur gengið í prófunum.  Gamla settinu líður þokkalega fyrir utan að ég þurfti að láta klippa af mér hálfa tánögl af stórutá í dag og tek því rólega næstu daga, látum þetta gróa vel.  Nóg af þessu.  Hafið það öll sem best.  Magga mín vildi ekki setja myndina af þér hér með Elínar Hönnu mynd, vildi ekki gera þér það.  Fyrir ykkur hin þá er myndin í albúmi "Húsvíkingar fyrr og nú" :-)

Elín Hanna kíkir á höfnina í Hafnarfirði 30. maí 2010


Elín Hanna hjólar til baka.  30. maí 2010

Þegar kíkt er á hafnir landsins eru flestir smábátarnir úr palsti.  Flestir þessara plastbáta eru jafnframt hvítir.  Hér eru þó þrír sem ég sá í Sandgerði og fannst þeir tilbreyting frá þessu hvíta.  Óneitanlega fallegra að hafa lífið í lit.

Í Sandgerði

Það kemur fyrir að maður kemsti í færi við fugla.  Einna besti staðurinn til að koma sér af stað er Bakkatjörn.  Hér eru tvær en fleiri eru í albúmum, æðarfugl og heiðlóa.

Æðarkolla.  Bakkatjörn 23. maí 2010


Heiðlóa.  Bakkatjörn 23. maí 2010

Hef tekið nokkrar myndir af bátum sem eru í höfnunum hér á höfuðborgarsvæðinu.  Myndir í albúmi.

Odra Cuxhaven x Baldvin Þorsteinsson Hafnarfjarðarhöfn 15. maí 2010


950 Lundi RE 20 Reykjavíkurhöfn 23. maí 2010