|
Ljósmyndasíða Rikka Fuglar, gamlir bátar, mannlíf, íslensk náttúra eins og ég sé hana |
|
13.04.2012 22:32Snöggur Grundarfirði6208 Snöggur SH 276 Smíðaður í Hafnarfirði 1979 í Bátalóni. Eik og fura. 2,27 brl. 20 ha. Bukh vél. Báturinn hét Svanur GK 205. Eigandi Tómas Guðmundsson, Guðmundur K. Tómasson, Haraldur Tómasson og Róbert Tómasson, Grindavík frá 28. maí 1979. Seldur 27. apríl 1983 Bjarna Bjarnasyni, Húsavík. Báturinn heitir Sif ÞH 169 og er skráður á Húsavík 1997. Þröstur Sigmundsson eignast bátinn, kaupir hann af dánarbúi. Hvaða?? Vorið 2011 kaupir Þorgrímur (Toggi) Kolbeinsson bátinn af Þresti frænda sínum. Neglir hann allan upp, skefur og málar. Í bátunum var dýptarmælir og áttarviti. Toggi setti nýja geyma í bátinn, siglingartæki og björgunarbát. Vorið 2012 keypti hann tvær nýjar sænskar rúllur í bátinn. Í dag heitir báturinn Snöggur SH 276 og er í Grundarfirði. Eigandi er Þorgrímur "Toggi" Kolbeinsson. Toggi sagði mér að sumir hafi nú verið frekar skeptískir á kaup hans á bátnum og spurðu hvað hann ætlaði að gera við bátinn. Toggi sagðist ætla að róa á bátnum. Eitthvað voru menn efins og ekki bjartsýnir fyrir Togga hönd. Toggi réri á bátnum, byrjaði með tvær handknúnar rúllur og veiddi það sem hann mátti. Fljótlega fékk hann sér tvær rafmagnsrúllur en sagði að hann hafi haft þær handknúnu með og veitt meira á þær heldur en rafmagnsrúllurnar. Toggi veiddi nóg á síðasta ári og gat borgað bátinn að fullu. Toggi kvaðst ætla aftur á strandveiðarnar núna í sumar. Hér á kanski við máltækið, "Sá hlær best sem síðast hlær". Ég sendi Togga línu og fékk svar um hæl. Hann segir allt gott að frétta af Snögg. Toggi var búinn að auglýsa bátinn til sölu en kvaðst hættur við. Ég vildi vita nánar um hvenær hann eignaðist bátinn. Vorið 2011 kaupir Þorgrímur Kolbeinsson bátinn af frænda sínum, Þresti Sigmundssyni sem hafði keypt bátinn úr dánarbúi. Toggi negldi bátinn allan upp, skóf og málaði. í bátnum var Koden dýptarmælir sem var eina tækið auk áttarvita sem fylgdu bátnum. Nýjir geymar, siglingatæki og björguanrbátur var sett í bátinn. Vorið 2012 var fjárfest í 2 nýjum rúllum, sænskum. Hann kvaðst ætla að taka upp vélina í vetur, smíða nýtt stýrishús, lunningar og skjólborð. Toggi sendi eftirfarandi um Snögg 24. maí 2013: Núna í mars og apríl 2013 var allt rifið af bátnum s.s. stýrishús, lunningar, skjólborð og vélarkassi. allt var þetta smíðað upp á nýtt og húsið látið ná allveg þvert yfir bátinn og nú er gengið inn í það að framanverðu. einnig var nýr vélakassi gerður sem að er ekki hálfur inn í stýrishúsið og þarf ég því ekki lengur að hlusta á vélina allan daginn. Hann var smíðaður VEL rúmur og átti það eftir að koma sér vel. Vélin sem var bukh dv 20 var tekinn upp og skipt m.a. um hringi sleevar, dæluhjólin ofl. ventlar ath. sem og spíssar. Nýr 24v altenator var settur við vélina frá þeim í Ásco á Akureyri og eiga þeir hrós skilið fyrir besta verðið á 55amp 24v sem og ódýrustu. reimskífunni eða 2500. og þeir eru nú ekki í rvk! jæja eftir góða byrjun á strandveiðum Vélbúnaðarlega séð þá missti ég alla olíu af vélinni og braut hringi og rispaði slívarnar. Þar fór það, leiðinlegt þar sem farið var í þetta sem fyrirbyggjandi aðgerðir en ekki var hægt að gráta það og ákvað ég að láta reyna á nágranna minn á Holti og keypti með hjálp góðra manna nýja 58hp TD marine vél sem er kínversk og var klárað að setja hana niður í dag. Hrólfur og co í vélsmiðjunni Berg í Grundarfirði. Nú er bara að smíða nýtt lok á vélakassann þar sem nýja vélinn er töluvert stærri en passaði þó niður í nýja stóra vélakassann :D Krosslegg fingur og vona að allt gangi vel núna. Ég sendi þér svo myndir af verkinu við tækifæri :D ...............meira síðar
Skrifað af Rikki R. 13.04.2012 21:41Hvalaskoðun í GrundarfirðiÉg var staddur í Grundarfirði um daginn að taka myndir o.fl. Þá fékk ég upplýsingar um að hvalir væru reglulegir gestir við Grundarfjörð og væru jafnvel í um 20 metra færi þegar þeir væru næst landi. Eftir smá tíma þá komu tvær háhyrningsvöður inn en því miður þá héldu þeir sig vel frá landi. Ég smellti þó nokkrum myndum af þeim. Þetta voru ekki margir háhyrningar en þó voru þarna líklega hátt í 10 hvalir í þessum tveimur vöðum ef hægt er að kalla þær það. Hér eru myndir sem ég tók.
Skrifað af Rikki R. 04.04.2012 23:19BlikiTók myndir af Blika þar sem hann er á Álftanesi. Veit ekkert ennþá um þennan bát en ef þið lumið á upplýsingum endilega látið mig vita.
Skrifað af Rikki R. 04.04.2012 22:01Málsháttur í páskeggiNú styttist í að páskar gangi í garð. Eitt er það sem ég hef mest gaman af á páskum, nei, það er ekki páskaeggið heldur það sem úr því kemur....................málshátturinn. Við fjölskyldan höfum mjög gaman af að lesa yfir málsháttinn og átta okkur á merkingu hans. Þetta höfum við alið upp hjá Elínu Hönnu dóttur okkar líka og hefur hún tekið þátt í þessu með okkur. Fyrir nokkrum árum síðan þá fékk Elín Hanna málshátt úr páskeggi. Þegar hún ætlaði að lesa málsháttinn varð hún frekar fúl, það stóð nefnilega ekkert á blaðinu. Henni fannst hún svikin og varð frekar leið yfir þessu. Mamma og pabbi fengur málshátt en ekki hún. Í eitt af fáum skiptum, þá var ég fljótur að hugsa og benti henni á að þarna væri nú aldeilis málsháttur, hvort hún sæi það ekki. Nei, ekki vildi hún meina það, það stæði ekkert á blaðinu. Jú, þarna stendur "Fæst orð hafa minnstu ábyrgð". Eftir að við höfðum gert henni grein fyrir hver merkingin væri þá var Elín Hanna sátt og fannst hún ekkert svikin lengur.
Skrifað af Rikki R. 31.03.2012 00:08Álftanes 30. mars 2012Sólin braust í gegnum skýjabakkann og þokusúldin hörfaði. Flott byrta á þeim tíma. Vildi svo vel til að ég var á ferðinni. Á meðan gömlu útihúsin spegluðu sig í vatninu þá hlóðust skýin upp yfir Hallgrímskirkju. Hvað merkir það?
Skrifað af Rikki R. 31.03.2012 00:02SkipslíkönÞessi skipslíkön eru á sjóminjasafni Reykjavíkur og helstu upplýsingar um líkönin. Flottir gripir og gaman væri að gera gert svona.
Skrifað af Rikki R. 24.03.2012 23:00Fermingin afstaðinFerming dótturinnar var í dag. Elín Hanna fermdist í dag, 24. mars 2012, sem jafnframt er afmælsidagurinn hennar og hún 14 ára. Athöfnin í Garðakirkju var falleg og tókst mjög vel. Veislan var haldin í Skátaheimilinu í Hafnarfirði og tókst í alla staði vel. Á matseðlinum var gúllassúpa og brauð og í eftirrétt var ísterta og súkkulaðikaka. Held að gestirnir hafi ekki farið svangir heim. Nú verður slakað á, sunnudagurinn verður haldinn heilagur. Setti albúm inn, Ferming EHR, endilega kíkið á það.
Skrifað af Rikki R. 21.03.2012 20:41Ferming framundan24. mars 2012 verður merkisdagur fyrir heimasætuna. 14 ára afmælið verður haldið með pompi og prakt, með heilli fermingarveislu. Já, Elín Hanna okkar fermist þann 24. mars og það er líka afmæli og verður 14 ára. Það er í mörg horn á líta fyrir okkur öll. Ein mynd af fermingarbarninu:-)  Elín Hanna í Flekkuvík. Skrifað af Rikki R. 14.03.2012 21:41HúsavíkurbærÉg komst að því þegar ég flutti frá Húsavík að ég átti ekki mikið af myndum af húsum á Húsavík. Þetta snérist að hluta um að ég hafði kanski ekki áhuga á að mynda húsin. En það kom sem sagt í ljós að þegar ég ætlaði að sýna myndir frá Húsavík þá voru afskaplega fáar til í mínum fórum.
Skrifað af Rikki R. 14.03.2012 20:54Silla ex Kópur6140 Silla HF 21 ex Kópur HF 17 Smíðaður af Eyjólfi Einarssyni í Hafnarfirði 1980. Eik og fura. 3,74 brl. 30 ha. Yanmar vél. Hét Kópur HF 17, eigandi Bjarni Bjarnason Hafnarfirði frá 22. ágúst 1980. Bjarni seldi bátinn 29. október 1986, Sævari Hannessyni, Garðabæ. Báturinn heitir Silla HF 21 og er skráður í Hafnarfirði 1997. Í dag er búið að úrelda bátinn. Hann er farinn að láta talsvert á sjá eins og sjá má. Man ekki hvað núverandi eigandi heitir? Upplýsingar: Íslensk skip, bátar. 2. bindi bls. 36, Kópur HF 17, 6140
Skrifað af Rikki R. 14.03.2012 20:217295 Fákur ÍSÞegar ég fór að leita mér upplýsinga um þennan bát þá kom upp smá árekstrar með þeim upplýsingum sem ég fann. í ljós kom á svo virðist sem þessi bátur hafi borið tvö skipaskrárnúmer, 5955 og 7295. Þá er stærð þessara "tveggja" báta ekki sögð sú sama en á því geta verið skýringar. Gunnar Th. sem eitt sinn átti Fák segir þetta sama bátinn og eftir gagngerar lagfæringar hafi báturinn verið endurskráður og fengið nýtt skipaskrárnúmer. Gunnar sendi mér eftirfarandi upplýsingar: Skoðaðu hjá honum Jóni Páli. Hann birti mynd af Fáknum og í framhaldi sendi ég honum upplýsingar. Ég átti þennan bát á undan Tryggva og þá hafði hann allt annað skskrnr. (5955) Ruglingurinn varð þegar báturinn var endurskráður. Í 16. hefti ritraðar vestfirska forlagsins "Mannlíf og saga fyrir vestan" á bls. 10, í grein sem Hlynur Þór Magnússon færði í letur, segir Arnór Stígsson, Horni svo frá: "Frímann heitinn á Horni, föðurbróðir, smíðaði Fák en Jakob Falsson kom norður um tíma og aðstoðaði hann við smíðina. Þegar báturinn var fullsmíðaður var honum rennt á sjó niður brekkuna. Það var stór viðburður og mér afar minnistæður".
Hjá Siglingastofnun er báturinn afskráður 29. ágúst 2002 vegna stórviðgerðar.
Endurgerð bátsins var unnin í Bolungarvík við Ísafjarðardjúp árið 2005 af hagleiksmanninum Guðfinni Jakobssyni frá Reykjarfirði nyrðri. Í Morgunblaðinu 4. júní 2008 kemur fram að báturinn sé aftur kominn á skrá og heiti nú Fákur ÍS-5. Hann er þá í eigu Þorkels Sigmundssonar, Bolungarvík og að einhverju leyti gerður út frá Horni þar sem hann var byggður.
Sjá má af neðanskráðu að á siglingu sinni við Hornstrandir hefur báturinn borið fleira að landi en hann í upphafi var smíðaður til.
Ein af hrikalegust sjóorrustum seinni heimsstyrjaldarinnar var háð á hafinu á milli Íslands og Grænlands 24. maí 1941 . Þar sökkti þýska orrustuskipið Bismarck, 35.000 smálesta stórt, enska orrustuskipinu Hood, 42.000 smálesta skipi, með einu skoti sem hæfði skotfærageymslu skipsins. Hood sprakk í loft upp og með því 1300 manna áhöfn. Golfstraumurinn olli því að lík enskra sjóliða tók að reka á Hornströndum. Að beiðni yfirvalda fóru menn á Fáki ÍS-5 og söfnuðu saman líkum, sem á reki voru eða komin í fjöru og flutti báturinn þau að landi. Þar var smíðað utan um þessa ógæfusömu einstaklinga og þeim komið í vígða mold í kirkjugarði Furufjarðar. Mörgum árum seinna grófu Bretar upp fimm líkanna og fluttu heim til Englands en það sjötta var talið af frönskum manni og um það hirtu breskir ekki.
Ath. Í ritinu "Íslensk skip. Bátar" 2. hefti á bls. 90 er Fákur ÍS-162 (7295) skráður.
Báturinn er sagður smíðaður á Horni 1933. Ljóst er að þarna er um Fák ÍS-5 (5955) að ræða og er Ragnar Jakobsson, Reykjafirði sannfærður um að svo sé. Þrátt fyrir að mismunur sé á stærðartölum þessara báta þá segir það ekki alla söguna því alþekkt er að þessar tölur geta breyst frá einni mælingu til annarrar.
Upplýsingar:
Skrifað af Rikki R. 12.03.2012 21:30Nótan 2012Nótan uppskeruhátíð tónlistarskólanna. Sameiginlegir tónleikar tónlistarskóla í Reykjavík voru haldnir laugardaginn 10. mars 2012 í sal FÍH. Tvennir tónleikar voru haldnir, þ.e. kl. 11:00 voru tónleikar í grunn- og miðnámi og kl. 13:00 voru tónleikar í framhaldsnámi. Kynnir á tónleikunum var Pétur Grétarsson tónlistarmaður. Valnefnd skipuðu þau Sigrún Eðvaldsdóttir, Hilmar Örn Agnarsson og Kjartan Valdimarsson. Allegro Suzuki tónlistarskólinn, sem Elín Hanna er í, tók þátt. Þetta voru 10 stúlkur sem spiluðu Perpetual Motion eftir Carl Bohm og Elín Hanna var ein af þeim. Nú er svo komið að hægt er að sjá atriði stúlknanna á Youtube, en atriði þeirra tókst mjög vel að mínu mati. Slóðin er hér, http://www.youtube.com/watch?v=qq4ltCvXY4Y ef þetta virkar ekki þá er hægt að opna youtube.com, slá inn í leitarstikuna: notan_allegroA.avi þá getiði skoðað og hlustað á þetta frábæra lag sem þær spiluðu. Því miður komust þær ekki áfram en úrslit Nótunnar fara fram í Hörpu n.k. sunnudag.
Skrifað af Rikki R. 11.03.2012 00:14Nýr bátur, Fríða DagmarÁ ferð minni í dag sá ég nýjan bát í Hafnarfjarðarhöfn, Fríða Dagmar. Hef svo lesið á síðunni hjá Grétari Þór
http://gretars.123.is/ að þessi bátur var sjósettur 6. mars 2012. Ég er sem sagt alltaf fyrstur með fréttirnar, eða þannig:-)  2817 Fríða Dagmar ÍS 103, Hafnarfjörður 10. mars 2012 Skrifað af Rikki R. 05.03.2012 21:46Fleiri í HafnarfjarðarhöfnFlott birta á milli élja í gær, 04. mars. Máni var að landa þegar ég kom niður að höfn og þá smellti ég myndum af Rússunum við bryggjuna.  Máni GK var að landa í Hafnarfirði 04. mars 2012  Rússarnir eru alltaf við bryggjuna í Hafnarfirði, 04. mars 2012 Skrifað af Rikki R. 05.03.2012 21:15Kristján HF 100Sá Kristján koma að landi þann 04. mars 2012 og landa. Ég smellti nokkrum myndum af ferlinu og setti í albúm hér. Sjáum til hvernig þetta leggst í mannskapinn. Set hér inn nokkrar myndir, sagan í stuttu máli og myndum. Aflinn mun hafa verið 4,934 kg samkvæmt því sem ég kemst næst.  Kristján HF 100 rennir inn í ytri höfnina í Hafnarfirði 04. mars 2012  Kristján gengur þokkalega sýnist mér.  Kominn að bryggju, löndun að hefjast.  Löndun hafin, aflinn mun hafa verið 4.934 kg.  Það þurfti aðeins að laga aflann til.  Ýsa var það heillin......  og steinbítur líka.......ekki er hann tannfríður blessaðu. 04. mars 2012 Skrifað af Rikki R. |
Málsháttur dagsins Svo flýgur hver fugl sem hann er fiðraður !clockhere Rikki R Nafn: Ríkarður RíkarðssonFarsími: 862 0591Tölvupóstfang: rikkirikka@gmail.comAfmælisdagur: 24. septemberHeimilisfang: Breiðvangi 3, 220 HafnarfjörðurStaðsetning: HafnarfjörðurHeimasími: 565 5191Um: Fæddur á Húsavík á því herrans ári 1961 og hef tekið ljósmyndir frá því ég var strákur. Aðaláhugamálið er að taka myndir af fuglum en þó mynda ég allt sem mig langar til að mynda eins og sjá má.Eldra efni
Tenglar
 |
