Smá hrakfallasaga af mér.  Að morgni 19. des. var ég á leið til vinnu.  Var að labba að strætóskýlingu sem er hér utan við húsið.  Á leið minni að skýlinu þá flaug ég á hausinn.  Það var svo sem í lagi að hrista aðeins upp í mér en það sem verra var að ég braut á mér hægri úlnlið og rifbrotnaði svona rétt í leiðinni vinstra megin.  1-3 rif sem eru brotin, ekki gott að segja að sögn læknis og svo sprunga í beini við úlnlið.

Jólahjólin voru líka í Stykkishólmi.  Þessi reiðhjól blöstu við mér út um eldhúsgluggann í Stykkishólmi.  Nýfallinn snjór og reiðhjól eiga vel saman.

Ég sá að jólasveinninn var í Stykkishólmi.

Þann 07. desember 2013 skrapp ég og kíkti á eina myndlistasýningu.  Málarinn var að mínu viti ekki af verri endanum, Ingvar Þorvaldsson.  Myndirnar hans Ingvars eru mjög flottar.  Ég hafði mjög gaman af að sjá sýninguna.  Ég dró dóttirina með mér og henni fannst myndirnar flottar líka, en hún er 15 ára.  Þessi sýning höfðar því til allra aldurshópa.  Hér má sjá nokkrar myndir sem ég tók af sýningunni með leyfi Ingvars.  Ég læt myndirnar tala sínu máli.