|
Ljósmyndasíða Rikka Fuglar, gamlir bátar, mannlíf, íslensk náttúra eins og ég sé hana |
|
Færslur: 2011 September06.09.2011 21:37Við enda regnbogans er gull !Þegar ég skoðaði freyshanann í gær þá lét þessi regnbogi sjá sig. Fannst staðsetning hans flott og svo var ekki leiðinleg staðsetningin á honum, bein á Nesstofu. "Við enda regnbogans er gull" segir máltækið.
Skrifað af Rikki R. 05.09.2011 21:46FreyshaniEnn einn flækingsfuglinn fannst í morgun. Nú á Bakkatjörn á Seltjarnarnesi. Ég kíkti eftir kvöldmatinn og sá dýrið. Þetta mun vera fimmti fuglinn fyrir landið. Fyrsti freyshaninn sem sást hér á landi 16. september 1979, annar fuglinn sást 1992, sá þriðji sást 1995 og sá fjórði sást 23. sept. 1997. Til gamans þá sá ég hann. Alla vegna þá náði ég slöppum myndum af þessum í kvöld en læt þær samt koma. Fyrir ykkur sem viljið vita þá er freyshani frændi óðinshanans og þórshanans.
Skrifað af Rikki R. 04.09.2011 22:15Keilir í baksýnEins og ég hef sagt áður mynda ég gjarnan Keili, eða réttara sagt hef hann í bakgrunni þegar ég er að mynda t.d. á Hlíðsnesi. Nú í sumar þá átti ég leið um Hlíðsnesið og notaði Keili sem bakgrunn.
Skrifað af Rikki R. 04.09.2011 21:56HrísastelkurÍ morgun fannst hrísastelkur við lækinn í Hafnarfirði. Margir fuglaskoðarar mættu á svæðið til að bera dýrið augum og mynda. Haf trú á að nokkur þúsund myndir hafi verið teknar af þessum fugli. Mínar myndir eru slarkfærar en ég þurfti að klippa þær ansi mikið. Hér er þó ein sem ég er sæmilega sáttur með en hann náði sér í lirfu.
Skrifað af Rikki R. 04.09.2011 14:37KletturSá þennan á bryggjunni í Hafnarfirði. Sá að hann var frekar illa farinn. Þessi nefur verið með húsi og er það um borð í bátnum samantekið. Á húsinu má sjá nafnið Klettur. Ég geri því ráð fyrir að þessi heiti Klettur.
Skrifað af Rikki R. 03.09.2011 17:49Sumarliði, dagbókDagbók um viðgerðina á Sumarliða Jón Ragnar sendi mér þessa teikningu. Teikningin sýnir hvernig Sumarliði á að líta út eftir viðgerð. Jón Ragnar segir að nú sé að hefjast viðgerð á Sumarliða og mun ég líta við hjá honum og fylgjast með. Hér að neðan má sjá hvernig Sumarliði lítur út og svo er teikningin sem sýnir hverngi hann á að líta út. Jón Ragnar á mikið verk fyrir höndum. Ég held að hann eigi nú samt eftir að klára þetta glæsilega.
06. september 2011 Jón Ragnar er að fara að setja Sumarliða inn. Ég hafði ekki tíma til að bíða eftir því svo ég tók engar myndir af því. Fyrst þurfti Kári þó að fara út.
08. september 2011 Jón Ragnar sendir mér póst um að það sé búið að setja Sumarliða á hliðina, fjarlægja gamla kjölinn og verið að smíða nýjan kjöl. 10. september 2011 Kíkti við og leit á Sumarliða. Allt eins og Jón Ragnar sagði, báturinn á hliðinni og búið að fjarlægja kjölinn. Máltækið segir "Hálfnað verk þá hafið er" en það er nú talsvert í land, en það er birjað.
Leit við í dag og sá að ekki hafði mikið verið gert, alla vegna ekki svona sýnilegt. Þó sá ég að búið var að fjarlægja afturstefnið til viðbótar við kjölinn. Hitti á Jón Ragnar sem sagði að kjölurinn yrði kominn í um næstu helgi. Svo væri það afturstefnið en það væri smá maus við það og það tæki lengri tíma. Nú er að sjá hvort strákurinn standi við stóru orðin:) Set inn eina tillögu frá mér af hugsanlegri málningarútliti Sumarliða. Notaðist við teikninguna sem JRD lét mig fá, teiknaði upp aftur og nú get ég málað eins og mig listir.
01.október. 2011 Í dag leit ég inn í Bátastöðina. Þarna var búið að rétta Sumarliða við og kjölurinn kominn undir hann og neðri hluti framstefnisins. Jón var búinn að teikna upp afturstefnið, þ.e. innri línuna. Þá var verið að vinna við að hreinsa spansgrænuna af skrúfunni. Nú er hægt að hefjast handa fyrir alvöru við lagfæringarnar. Þegar ég var þarna mættu tveir heiðursmenn á staðinn, Jón Lárus Bergseinsson og Rögnvaldur Már Helgason. Jón og Rögnvaldur ólust upp með Sumarliða. Þá var mér sýndar gersemar sem fundust um borð í Sumarliða, kertastjaki, Kodak myndavél og Gucci ilmvatn. Spurning um að bjóða í myndavélina?
Loksins gaf ég mér tíma til að kíkja á Sumarliða. Litlar breytingar sem ég sá frá síðustu heimsókn. Þá var komið mót fyrir afturstefnið og Jón Ragnar í óða önn að smíða afturstefnið. Það er talsverð vinna að búa afturstefnið til sýnist mér. Sonur Jóns var með honum á staðnum og sá litli sagðir ætla að verða eins og pabbi.
Skrifað af Rikki R. 03.09.2011 15:07HallsteinsnessbáturinnÞessi fallegi bátur er á Bátasafni Breiðafjarðar á Reykhólum. Þar má lesa eftirfarandi um bátinn: Hallsteinsnessbáturinn, sem svo er kallaður, er lítið tveggja manna far með breiðfirsku lagi. Hann var smíðaður 1934 á Hallsteinsnesi við Þorskafjörð af Þorbergi Ólafssyni, síðar framkvæmdastjóra Bátalóns í Hafnarfirði. Báturinn var hafður til almennra heimilisþarfa á Hallsteinsnesi - við selveiðar, eggjatekju, dúntekju og björgun kinda af flæðiskerjum. Hins vegar var hann ekki notaður til fiskveiða þar sem fiskur gekk ekki svo langt inn Breiðafjörð. Líka var báturinn notaður til flutninga af ýmsu tagi, bæði á fólki og varningi og var á tímabili helsta samgöngutæki við Þorskafjörð og Djúpafjörð. Tíðast var hann notaður til að fara út í flóabátinn Konráð. Um 1960 var Hallsteinsnessbáturinn fluttur til Hafnarfjarðar og notaður við hrognkelsaveiðar um skeið. Þá var sett í hann vél sem síðar var tekin úr honum aftur og ber báturinn þess nokkur merki. Hann var alla tíð í eigu sömu fjölskyldunnar uns hann var gefinn Sjóminjasafni Íslands árið 1986. Ólafur Ólafsson, bróðir Þorbergs og fyrrum bóndi á Hallsteinsnesi, réri á bátnum frá Hafnarfirði. Þess má geta, að efniviðurinn í bönd, stafnlok og kollharða var tré sem rak á land á Grenitrésnesi, suðaustur frá bænum á Hallsteinsnesi, þar sem Ása-Þór sendi Hallsteini landnámsmanni tré til öndvegissúlna eins og Landnámsbók segir frá. Núverandi eigandi bátsins er Þjóðminjasafn Íslands en báturinn er í láni á Bátasafni Breiðafjarðar.
Skrifað af Rikki R. 03.09.2011 14:54Gola á ReykhólumSá þennan í sumar á Reykhólum þann 31. júlí 2011. Gola heitir hann. Um þennan er sagt í Íslensk skip, eftir Jón Björnsson, 3. hefti, bls. 147 Smíðaður í Stykkishólmi1964. Eik og fura. 1,67 brl. 24 ha. Bukh vél. Eigandi Hallvarður Kristjánsson, Þingvöllum, Helgafellssveit frá 20. janúar 1986. Eigenda ekki getið fyrir þann tíma. Frá 28. janúar 1997 er báturinn skráður Gola SH. Hann er skráður sem skemmtiskip í Stykkishólmi 1997. 31. júlí 2011 veit ég að Gola er í eigu Bátasafns Breiðafjarðar.
Gola á Reykhólum, 31. júlí 2011 Skrifað af Rikki R. 03.09.2011 14:37DísaUpp við vegg á Bátasafni Breiðafjarðar stendur hvítur bátur upp á endann. Þetta er jullan Dísa. Á bátasafninu má lesa eftirfarandi um Dísu. Jullan Dísa var smíðuð í Hvallátum af bátasmiðnum og síðar bryggjusmiðnum kunna Aðalsteini Aðalsteinssyni, að líkindum á árabilinu 1950-56. Hún var smíðuð fyrir Sigurgeir Tómasson á Reykhólum og ber nafn eiginkonu hans. Dísa var alla tíð notuð sem skjöktbátur á Reykhólum. Nú er hún í eigu afkomenda Sigurgeirs en hefur ekki verið notuð síðustu árin. Á Hlunnindasýningunni á Reykhólum má sjá Dísu á gamalli ljósmynd, líklega frá miðbiki sjöunda áratugar liðinnar aldar. Þar eru hálfbræðurnir Sigurgeir Tómasson og Þorsteinn Þórarinsson á leið í land úr selveiðiferð á vélbát með Dísu í togi en um borð í henni er pilturinn Hugo Rasmus.
Skrifað af Rikki R. 03.09.2011 14:09Staðarskektan, BjörgUppi í lofti á Bátasafninu á Reykhólum hangir bátur. Þetta mun vera svokölluð Staðarskekta eða réttu nafni Björg. Þessi bátur er fyrirmyndin af Vinfasti. Hér eru upplýsingar um Staðarskektuna sem ég fann á blaði í bátasafninu.
Skrifað af Rikki R. 03.09.2011 13:27Ó-kindinÉg kalla þessa kind, ó-kindina. Af hverju? Þessi var heimalingur í Krákuvör. Hún var með tvö lömb og fólk hefur vanið hana á ýmsa ósiði. M.a. hefur henni verið gefið ýmislegt góðgæti úr hnefa og hún leitaði alltaf aftur á sama stað. Hún kom í heimsókn í Bræðraminni til að fá að borða, þegar við vorum þar, en hún fékk það ekki. Hún jarmaði á okkur og fékk þá að heyra að Sóla væri ekki á staðnum. Þá bað hún að heilsa Sólu og fór hnípin á brott með lömbin sín tvö. Má til með að setja hér inn smá sögu varðandi þessa kind. Magnús bóndi flutti fé sitt úr Flatey og úr í aðra eyju. Þegar hann setti kindurnar á land þá fóru allar inn á eyju og fóru að bíta gras. Þessi hins vegar stoppaði á brúninni, horfði á Magnús bónda með undrunarsvip. Á svip hennar kvaðst Magnús hafa leisið, "Hvað ert þú að gera, ætlarðu að skila mig eftir hér, hvað á ég að borða".
Skrifað af Rikki R. 03.09.2011 13:06Miklar hetjur í FlateyEitt af því sem gefur lífinu í Flatey gildi er að fylgjast með kríunni. Til að sanna karlmennsku sína þá hefur það verið leikur að fara nálægt kríuvarpi og láta kríurnar ráðast á sig. Þorbjörg og Elín Hanna ákváðu að gera þetta. Þær settu upp skálar og fóru að brún varpsins. Ekki entust þær nú lengi þrátt fyrir varnirnar. Set hér inn nokkrar myndir. Mynd 1. - Klukkan 19:03,16 miklar hetjur - Klukkan 19:03,23 flóttinn brast á - Klukkan 19:03,24 flótta lokið. Myndirnar teknar í Flatey 29. júní 2011
Skrifað af Rikki R. 03.09.2011 12:47Stykkishólmur og FlateyÉg næ stundum myndum af miklum höfðingjum. Hér má sjá tvær myndir sem ég tók í sumar. Á efri myndinni má sjá Berg og Einar Stein við afgreiðslu Sæferða áður en við lögðum af stað í Flatey í júní 2011. Á neðri myndinni eru það Bent og Bjarni í Bergi sem ræða málin við frystihúsið í Flatey.
Skrifað af Rikki R. 02.09.2011 00:34KríurNáði þessari myndaröð af kríum í Flatey á Breiðafirði. Mér finnst þessi sería koma vel út.
Skrifað af Rikki R.
|
Málsháttur dagsins Svo flýgur hver fugl sem hann er fiðraður !clockhere Rikki R Nafn: Ríkarður RíkarðssonFarsími: 862 0591Tölvupóstfang: rikkirikka@gmail.comAfmælisdagur: 24. septemberHeimilisfang: Breiðvangi 3, 220 HafnarfjörðurStaðsetning: HafnarfjörðurHeimasími: 565 5191Um: Fæddur á Húsavík á því herrans ári 1961 og hef tekið ljósmyndir frá því ég var strákur. Aðaláhugamálið er að taka myndir af fuglum en þó mynda ég allt sem mig langar til að mynda eins og sjá má.Eldra efni
Tenglar
 |
