Í öskuferðinni minni í dag og kvöld vakti furðu mína mikið magn rauðbrystinga sem ég sá. Í Villingaholtshreppnum sá ég rauðbrystingana koma upp úr fjörunni og setjast á tún og fínna sér þar eitthvað að borða. Þegar ég keyrði svo út á Hlíðsnes þá flaug stór hópur rauðbrystinga upp og náði ég að smella af þegar þeir báru í sólsetrið. Ég ætla nú ekkert að geta um fjölda fugla en það eina sem ég segi er að ég gæti trúað að hóparnir hafi verið álíka stórir.
Nokkrir af rauðbrystingunum með öskuskýið bak við sig, Villingaholtshreppur 22. maí 2011
Rauðbrystingar á Hlíðsnesi, 22. maí 2011