Eins og glöggir menn munu kanski hafa séð þá fékk ég ákúrur í gestabókina mína í gær 27. janúar fyrir að hafa tekið mér það leyfi að áfrita gögn af annarri síðu og nota á mína. Þarna á ég við það sem ég kalla Málshættir í stafrófsröð, en ég náði í alla þessa málshætti á heimasíðu hjá Þórhildi Sigurðardóttur
http://oocitis.com/totasig og
http://barnaland.is/barn/84694/ .
Þetta er allt rétt hjá Þórhildi, ég náði í þessa málshætti á síðuna hennar en hún hafði lagt mikla vinnu við að safna þeim saman. Ég vitnaði ekki í síðurnar hennar og bað hana ekki um leyfi til að nota efni beint af síðunni hennar.
Mér fannst því við hæfi að setja hér á forsíðuna afsökunarbeiðin og biðja Þórhildi enn og aftur afsökunar á þessu og reyni að bæta fyrir þetta hér þó seint sé.
Í stikunni upp á síðunni minni eru tveir liðir, annar heitir Málshættir í stafrófsröð og eru beint af síðu Þórhildar. Hinn kalla ég Málsháttur dagsins og þar eru þeir málshættir sem ég hef sett inná forsíðuna hjá mér.
Enn og aftur Þórhildur, fyrirgefðu frekjuna í mér.