Skrapp og kíkti á gamla bíla sem voru sýndir að Melabraut í Hafnarfirði.  Þarna voru fimm gamlir bílar til sýnis og jafnvel til sölu.  Þarna var Ford, tveir Willis jeppar, Wolseley og Lincoln.  Eigandi bílanna er Þorsteinn Baldursson.  Myndir af bílunum má sjá hér.

Nýr Baldur kom til Íslands fyrir þó nokkru síðan.  Nú bendir allt til að hann sé á leið til Stykkishólms einhvern næstu daga.  Held að hann hafi átt að fara í dag en síðast þegar ég vissi var hann ekki farinn.  Það er búið að vera að gera smá breytingar á bátnum, mála hann og allt að verða klárt til siglinga um Breiðafjörð.  Nú vona ég að menn fari ekki að lána Baldur til Vestmannaeyja eins og þeir hafa gert með reglulegu millibili.  Þessi Baldur tekur víst talsvert fleiri bíla en sá gamli.  Hér er mynd sem ég tók af Baldri 08.11.2014 í Reykjavíkurhöfn.

Ég ætla að byrja á að biðjar fyrirgefningar á því hvað ég hef verið slakur við að setja inn myndir og færslur hér.  En ástæðan er að ég hef tekið þá ákvörðun að setja minna af myndum inn á síðuna mína og einnig að setja minna inn á facebook síðuna mína.  Því er allt svo rólegt hjá mér.  En ég get ekki látið það gerast að ekkert sé á forsíðunni og set því inn eina mynd svona rétt til að sýna lit.