Rannsóknir við Herdísarvík

Rannsóknir við Herdísarvík fóru fram í dag, 15. júlí 2012.  Þær hafa staðið yfir lengur en ég var staddur á staðnum núna með myndavélina.  Ég lánaði tvo í áhöfnina, Bjarna og Elínu Hönnu.  Capitan Joe David stjórnaði rannsókninni.  Dýptarmælingar fara fram og má geta þess að á sumum stöðum er allt að 7 metra dýpi þar sem mest er.  Rannsóknir sem farið hafa þarna fram hafa sýnt fram á að í víkinni lifir m.a. koli þó enginn hafi verið veiddur í þassum rannsóknarleiðangri en búið var að finna þetta út og þurfti því ekki að skoða það nánar.  Bogkrabbar virðast lifa góðu lífi.  Þá er talsvert fuglalíf í kringum víkina m.a. tjaldar, stelkar, tildrur, æður, álftir, kríur, silfurmáfar, fýlar, þúfutittlingar o.fl.  Þá sækja selir inn í víkina.  Einn kíkti í heimsókn á meðan á rannsókninni stóð og sá ég hann ná sér í fisk og éta hann, náði því miður ekki myndum af því. Rannsóknunum verður gerð betri skil síðar.