Dagana 18.-22. júlí 2009 fór ég með fjölskyldunni minni og tengdaforeldrum mínum í smá ferðalag um Vestfirði. Við fórum yfir Breiðafjörð með Baldri en það hef ég aldrei gert áður. Baldur stoppar alltaf í Flatey á Breiðafirði og eftir að lagt var af stað þaðan þá var allt sem ég sá nýtt. Landslagið á Vestfjörðum er frábært og þá var gaman að koma í alla bæina og skoða þá. Setti inn nýtt albúm sem ég kalla Vestfirðir, sjón er sögu ríkari.
Bíllinn okkar kominn um borð í Baldur, 18. júlí 2009.
Baldur við bryggju á Brjánslæk, 18. júlí 2009.
Patreksfjörður í kvöldsól, 18. júlí 2009.
Á leið út á Látrabjarg, 19. júlí 2009.
Látrabjarg 19. júlí 2009. Takið eftir fólkinu á brúninni.
Hattur Gísla á Uppsölum, að Hnjóti, 19. júlí 2009.
Rauðisandur, Snæfellsjökull í baksýn, 19. júlí 2009.
Held áfram að dæla inn fuglamyndunum. Nú eru það svartfuglarnir í Látrabjargi og Flatey á Breiðafirði. Hér eru fjórar myndir af svartfuglum, þ.e. langvía, álka, teista og lundi. Á eftir að setja inn myndir af stuttnefju. Margar myndir til viðbótar af fuglum í fuglaalbúminu. Er að vinna aðrar myndir svo þetta verða ekki bara fuglar fyrir ykkur sem hafið ekki áhuga á þeim.
Sæl öll. Þá er ég kominn úr fríi. Er að vinna myndir úr ferðinni og mun setja þær inn svona smátt og smátt. Ég tók myndir af fuglum, bátum, landslagi og bara því sem mér datt í hug. Fyrstu myndirnar mínar úr þessari ferð eru af kríum sem ég smellti af í Flatey á Breiðafirði. Hér má sjá þrjár myndir en talsvert fleiri eru í fuglaalbúminu.
Kría, Flatey á Breiðafirði 25. júlí 2009
Kríuungi, Flatey á Breiðafirði 29. júlí 2009
Svona nú, fáðu þér smá bita! Flatey á Breiðafirði 24. júlí 2009
Fæddur á Húsavík á því herrans ári 1961 og hef tekið ljósmyndir frá því ég var strákur. Aðaláhugamálið er að taka myndir af fuglum en þó mynda ég allt sem mig langar til að mynda eins og sjá má.